«Минь марса мархтонт молеме тя шити, - мярьгсь Артём Здунов. – Ульсь лама мяльда-арьсемада, штоба КВН-ць мрдаль Мордовияв, и вов тя лиссь. Спасибан сембонди, кие тянь эса примась участия, кие мрдась республикав и кармай профессиональнайста занцема пря тянь мархта. Тяни минь старандатама мрдафнемс Мордовияв промышленникнень, предпринимательхнень, учёнайхнень – сембонь, кие заняф наукать и искусствать виияфнемаснон мархта, а КВН-ць – тя стане жа искусства. Азан сюкпря промышленниконь и предпринимателень Российскяй союзть региональнай отделениянцты и лична Виктор Степанович Бирюковонди фестивальть ширенц кирдеманкса, сяс мес бизнесфтома минь инголи аськолкст аф тихтяма, сембе минь тянь шарьхкотькшнесаськ. КВН-ць – тя цебярь фабрика мялень кепсеманкса. Сяс инголи и катк ули мархтонк Шкабавазсь!»
«Мон оцю мяльса учендыне тя шить, - мярьгсь фестивальть панжемста Н.П.Огарёвонь лемса МГУ-ть ректоронц тевонзон тиендисна Дмитрий Глушко. – Надиян, тя лигать кармай оцю профессиональнай киц, и минь аф пелезь карматама эзганза молема. Минь задачаньке – работамс школьникнень мархтовок, штоба миньцонк эвондаль школьнай лигавок, и штоба работай од ломаттне стане жа налхкольхть КВН-ца».
«Шумбрат» КВН-нь официальнай лигать панжемста выступандась 14 команда – аф аньцек Мордовияста, но и Пензенскяй, Нижегородскяй и Ульяновскяй областтнень эзда. Сембе синь тюрсть финалть нилецкс пяльксонцты лисеманкса, кона кармай майста. КВН-ць мрдась республикав серьёзнайста и ламос!
Мордовия Республикань Оцюнять пресс-службац