Фёдор Яковлевич шачсь 1926 кизоня Кадошкинскяй райононь Майдан велеса. 18 кизоса цёракс 1943 кизоня сявфоль фронту. Васьфтезе Победать Чехословакияса. Казьф Отечественнай войнань II степенень орденца, «За боевые заслуги» медальса и юбилейнай медальхнень мархта.
«Максоза Шкабавазсь сембонди шумбраши и мир сембе мирса!» - приветсвовандазе региононь руководительть Фёдор Яковлевич.
«Сюконян карксэземга тинь поколениянтенди и Тейть тя войнаса справедливостть инкса Сяськоманкса, сюкпря ломаттненди казьф миронкса. Ужяленди, тяни тага сашендови тюремс инксонза», - мярьгсь Артём Здунов, максомок ветеранти лятфнембяленди казнет.
Чайда симомста ветеранць азондозе инжихненди, што омбоце Украинскяй фронтть составса колма кизот воявась Молдавияса, Румынияса, Венгрияса, Чехословакияса и Австрияса. Участвондась Будапештть и Прагать воляс нолдамасост.
Сяськомать Фёдор Яковлевич васьфтезе Чехословакияса, коса поладозе службанц связистокс, обеспечендакшнезе сотксть Москуть мархта. Уволендась запас 1950 кизоня и мрдась шачема велезонза, коса работакшнесь киномеханикокс. Пингонь ётазь устроендась кочегаркс Рузаевкань локомотивнай депов, тоса арась машинистокс и 31 киза трудендась машина китнень лангса.
Мордовиянь Оцюнясь отмечазе, што советскяй солдатть подвигоц пефтома питни и должен улемс ванфтф аф фкя век. Юмафтф эрь эряфсь – ся Великай Победать пялькскац. Артисттне казсть Фёдор Яковлевиченди и сембе тястонь эряйхненди музыкальнай казне – военнай мора мархта концертнай программа. Ветерантть мархта васедемаса стане жа примась участия Рузаевскяй райононь оцюнясь Александр Юткин.
Мордовия Республикань Оцюнять пресс-службац