6 апрельста Мордовиянь Оцюнять аф лама пингс тевонзон тиендисна Артём Здунов етафтсь рабочай васедема Федеральнай казначействань резервнай фонттнень средстваснон тевс нолдамаснон мельге контрольно–ревезионнай и социальнай сфераса, межбюджетнай отношениянь и социальнай страхованиянь сфераса контрольно-ревизионнай управлениять социальнай обеспечениянц коряс отделонь советникть Олег Куртяновонь мархта. Васедемаса стане жа примасть участия МР-нь Правительствать Председателенц заместителенц тевонзон тиендисна Наталья Таркаева, Правительствань Преседательть заместителенц – строительствань, транспортонь и дорожнай хозяйствань министрть тевонзон тиендисна Виктор Цыганов, а стане жа МР-нь финансонь министрть тевонзон тиендисна Сергей Тюркин.
Мартть песта Мордовияса РФ-нь финансонь министрть поручениянц коряс етафтови 2019-2020 кизоня МР-нь территориальнай дорожнай фондть средстванзон целевойста тевс нолдамаснон проверкац. Ревизорхне тонафнесазь доходнай пяльксть пуроптоманц порядканц, лимиттнень и контрактированиять пачфтемаснон. Марса специалисттнень мархта ули крхкаста проверяфт республиканскяй китнень строямаснон и петемаснон объемсна и качествасна. Башка мяль ули шарфтф строяви транспортнай артельхнень ГОСТ-тнень вешфксснонды отвечамаснонды. Учендови, што проверкась кармай мольфтевома ковоньберьф.
Мордовия Республикань Оцюнять пресс-службац