Мордовиянь Оцюнять аф лама пингс тевонзон тиендисна Артём Здунов 22 июльста васетькшнесь Асу шабанди республиканскяй лицейть директоронц развитиять коряс полафтыенц, лицейть научнай руководителенц, РФ-нь высшай школань заслуженнай работникть, Мордовия Республикань Народнай учительть Дмитрий Подлеснаень мархта. Корхтафоль республикаса олимпиаднай движениять виияфнеманц, региононь тонафнемань лия заведениятнень эса лицейть опытонц тонафнеманц, профессиональнай педагогическяй кадрань анокламать колга. Стане жа корхтафоль лицейть видеса образовательнай площадкань панжемать квалма.
Азфоль, што Асу шабанди республиканскяй лицейсь панжемстонза (2010 кизоста сявомок) фалу сувси Россиянь инь цебярь школатнень лувксс,стане жа сувси выпускникнень конкуренциянь кирнемаснон коряс кемонь инь цебярь школатнень лувксс. Задачась маластонь пингонди – максомс асу шабань анокламань республиканскяй системати од вий, лихтемс регионть школьнай образованиянь сядонга оцю уровеньц.
Мордовия Республикань Оцюнять пресс-службац