Трёхсвятскяй храмсь, кона строяф Мордовиять столицаса XVIII векть кучкаста, арась ремесленнай слободать духовнай центракс. 1935 кизоня церькавсь сёлкфоль. Тяда меле, кода валхтфтольхть пайкне и главнай куполсь, зданиясь максфоль культурань министерствати, лама киза тяса ульсь краеведческяй музейсь.
Мордовиянь Оцюнясь кирдезе архиерейть предложениянц ширенц, корхтамок мархтонза максомань тефнень и зданиять петеманц-тиеманц колга.
Стане жа региононь вятись ванозень митрополитть мархта кизефкснень, конат сотфт од ломанень и социальнай служамать мархта, мезсь мольфтеви Саранскяй епархияса. Стане жа корхтафоль ПФО-са од ломанень служамань Синодальнай отделть Координационнай центранц работанц колга, кона покоди Мордовиять столицаса.
Мордовия Республикань Оцюнять пресс-службац