Тя сфераса опытть тонафнемац важна Мордовияти сяс, мес регионти маластонь колма кизотнень сави тиемс оцю работа переработкань объекттнень строяманкса кеме коммунальнай ляткснень машфтоманкса, арьсекшневи ётафтомс эряфс оцю инвестиционнай проект. Тяфта, арьсеф тиемс реконструкция альтернативнай топливань производствать коряс линия и компостированиянь линия мархта мусоросортировочнай комплексти, строямс ТКО-нь кафта полиготт, компостированиянь линия мархта мусоросортировочнай колма станцият. Проектсь ётафтови эряфс государственно-частнай партнёрствань условияса. Егорьевскяйса объектть эса ётафтфоль совещания оборудованиянь поставщикнень представительснон - «Экомашгрупп» ООО-ть и эксплуатирующай организациять мархта.
Азсаськ, што меля республикаса тиф оцю работа кеме коммунальнай ляткснень машфтомань сфераса. «Ремондис» компаниять мархта сотрудничендазь рамаф оборудования кеме коммунальнай лятксненди сортировкань тиеманкса, тяконь лувксса сятненди, конат получафт башка пуроптомать вельде. Оборудованиять марстонь мощностец 20 тёжянь тонна кизоти. Стане жа рамаф Саранскяйть территорияса касыксонь ляткснень компостированиянь участкать тиеманц коряс пилотнай проектть эряфс ётафтоманкса мобильнай техника. Рамаф пцтай 400 контейнер ТКО-нь башка кочкаманкса.
Марса Мордовиянь Оцюнять мархта Моску алда мусороперерабатывающай комплексть работанц ладяманц коряс опытть тонафнезе МР-нь Правительствать Председателенц заместителец – жилищно-коммунальнай хозяйствань, энергетикань и населениять гражданскяй араламань министрсь Игорь Чадов.
Мордовия Республикань Оцюнять пресс-службац