«Илась лиссь пяк седи ваксстонь, - пшкядсь республикань руководительсь Республикань аватненди. – И кода мярьгсь минь Президентоньке, сон афкуксонь, пророссийскяй. Сон кунара ни архтовсь минь триколорсонок».
Артём Здунов китькстазе, што авась эрь ломантть эряфса инь эрявикс этапнень эса основа – шачемань, эряфонь кинь вешемань, од семиянь тиемань: «Авафтома мезевок аф лиси, сяс мес авать предназначенияц – кельгомс и улемс кельговикс».
Ульсь китькстаф, што авафтома обществаса аф ётни покодемань тевса фкявок направления. «Мон аф весть корхтань, што боевой ава ялгафтома покодемс аш кода – тинь няйсасть сянь, мезть аф няйсаськ минь. Минь, алятне, технологичнайхтяма – кельгсаськ предприятиянь,заводонь,кинь строямать, тиендемс семботь эсь пингстонза. Но кда тянди аф путомс вайме, эсонза аф кармай эряф. А тя атмосферать сафтови тиемс аньцек теентть, кельгома ават».
Мордовиянь Оцюнясь китькстазень сят аватнень, конат эсь подвикснон мархта тиендсь Великой Отечественной войнань кизотнень героень поступкат – путнесть покодемань рекордт, касфнесть и путнесть пильге лангс шабат ся стака времать. Особой уважения и почёт сон путсь Мордовиянь аватненди, боецонь касфтоманкса, конат тяни ванфтыхть странать сетьме эряфонць эса: «Вага кие путозе сембе кельгоманц, сембе виензон идензонды. Оцю кельгома и поклон сятненди, кия тяни пичефти юмафтомань сярятьф эса. Тят Россияти стака кизотнень тейнек эряви кирдемс марс».
Артём Здунов арьсесь Мордовиянь аватненди тундань пеедемат и весялаши! Народъётконь илать карша ульсть максфт казнет эрь кодама республикань аванди. Синь ётксост – воспитатель, предприятиянь технолог, озеленитель, Почта Россиинь покоди, балетонь артистка, кондитер, журналист, троллейбусонь вяти, инженер, доброволец, врач, правоохранительнай органонь покоди и волонтер. Марстопнесыне синь фкя – сембе синь, мазы, лямбе вайме ават!
Мордовия Республикань Оцюнять пресс-службац