Мордовиянь Оцюнять аф лама пингс тевонзон тиендисна Артём Здунов 21 январьста етафтсь Саранскяй телевизионнай заводть работанц коряс совещания. Корхтамась мольфтевсь предприятиять 2020 кизоня работань итогонзон и сяда товолонди планонзон колга.
Азфоль, што меля гособоронзаказть киреманкса кирсть производствать объемонза и продукциять мишендемац.Тянкса фкя инь васенце задачакс предприятияти ащи производствать диверсификацияц, гражданскяй назначениянь изделиянь нолямать касфнемац.
Республикань Оцюнять аф лама пингс тевонзон тиендисна китькстазе: «Од направлениятнень виияфнемасна максы обеспечендамс предприятиять стабильнай работаса, цебярьгофтомс финансовай кемошинь показательхнень и касфтомс заработнай платать».
Совещаниять пингста ванфтольхть од инвестиционнай проекттнень эряфс етафтомаснон мархта сотф кизефксне. Тяфта, корхтамась мольфтевсь телекоммуникационнай оборудованиянди печатнай платань нолямать коряс производствать панжеманц колга. Артём Здунов макссь поручения арьсемс, кода кирдемс проектть ширенц промышленностть виияфнеманц коряс федеральнай Фондть вельде.
Мордовия Республикань Оцюнять пресс-службац