Н.П.Огаревонь лемса МГУ-ть «Точка кипениянц» площадканц лангса ёнень штурмонь форматса од журналисттне ёразь тиемс республикать информационнай пространстваса инголи шашфтоманц мархта сотф темати лемтьф эсь медиапродуктаснон. Экспертокс мялень салай тя пялькстомаса арасть Артём Здунов и ректорть тевонзон тиендисна Дмитрий Глушко.
Студенттнень творчестваснон результатсна кеняртьфтезь и весялгофтозь васедемань сембе участникнень. Нюрьхкяня пингста од журналисттне тисть аф оцю, но информативнай роликт, конатнень эса няфтезь и азозь арьсемаснон, мес Мордовскяй госуниверситетсь - тя «афкуксонь МГУ» и мес Мордовиянь Оцюнять улель кода панемс Н.П.Огаревонь лемса МГУ-ста.
Эксперттне макссть оцю оценка студенттнень работаснонды, азозь эсь рекомендацияснон медиаконтентть инголи шашфтоманц колга и нльне виденцясть, мезьса синь ляткшнихть фталу од ломаттнень коряс.
«Эздонт ули кода ламоти тонафнемс - тяконь лувксса, оперативностти, - шарфтсь мяль Артём Здунов. – Тернетядязь путнемс эсь инголент сери тёкш, лисендемс студенческяй СМИ-тнень рамкаснон эзда. Тясть юксне главнайть: штоба тинь мяляфтоледязь, эряви повомс ломаттнень седис и ёньц».
Мордовия Республикань Оцюнять Пресс-службац