Видеосвязть пачка участникненди пшкядсь Россиянь экологиянь и перьфпялень ресурсонь Министрть полафтыец Павел Барышев. Сон китькстазе, што Мордовиясь – сембе федеральнай проектнень «Экология» нацпроектть потмоса эряз участник, и сюконянь отраслять покодиензонды.
«Сохранение уникальных водных объектов» проектть коряс 2021-2023 кизоста республикаса ульсь урядаф 17 км Мокша ляйть руслац , Саранка ляйса ня покодематне ульсть ётафтфт времада инголе (чистендаф 6 км русла). Тят цельхнень лангс ульсь ётафтф 160 млн цалковайть малава.
«Чистая страна» проектть коряс Ковылкина ошса ульсь пингда инголе урядаф аф эсь вастсонза ащи свалка, тя кизоть мольфтеви покодема Рузаевкань, Краснослободскяень,Темниковскяй райононь объектса. Марнек тят цельхнень лангс нацпроектть коряс максф 804 млн. цалковай малава.
Сюконямок «Сохранение лесов» проектти республикаса удалась касфтомс лесовосстановлениянь площадть показателенц отношениянц веляфтф и коськф вирень озафкснень площадьснон малас. Мордовияса тиф тепличнай комплекс пуфксонь касфтомань коряс, тя марнек селгозе регионтть потребностенц путфксонь материалса.
Важнай показательсь: Мордовиясь – ПФО-са фкя тяка субъектсь, коса ётай кизоть ашель фкявок вирень пожар (васенцеда 20 кизоти). Тяфтама результат сатовсь сюконямок видеонаблюденияти, конанц алу оцю вирень территория. (83%) и сембе профилактическяй мерань ётафтомась.
Основной докладтть мархта выступандась Мордовиянь природопользованиянь и охотничай хозяйствань, вирень Министрсь Адель Галиуллин. Ётай кизоста ульсть кепотьфт вирень озафксне 2 тежятть гектар малава площадьса. Ульсь азф мяль сявомс тят нефненди мода, конац аф пчкяй велень хозяйствань цельхненди, но сяка пингть сельхозназначениянь статус мархта. «Тоса, коса аф касы кши, кармай касома вирь!» - мярьгсь Адель Галиуллин. Мордовиянь Оцюнясь кирдезе тя инициативать, но китькстазе: аньцек сънярда, мзярда велень хозяйствань тевс нолдамати меки ки аш.
Мордовиясь эрязста примси участия «Сад памяти» и «Сохраним лес» - экологическяй акциятнень эса - озафтф 350 тежянь путфкс. Васенцеда ётафтфт «Чистые леса Мордовии» и «Утиная территория», синь арайхть регулярнайкс. Республикань образовательнай организацияса покоди 22 школьнай лесничества, коса покоди 500 стирня цераня.
Мордовиянь природопользованиянь и охотничай хозяйствань, вирень Министрсь азозе, што ведомствась мольфти Мордовия Республикань Якстерь книгать переизданиянц лангса покодема, мекольце даннаень одкстоптомась тяфтама форматса ульсь 2005 кизоня.
Ульсь китькстаф, што валом валом одкстопфневи лесопатрульнай техникань парксь: 2023 и 2024 кизоня 18 техникань еденица поступлениянь учетть мархта сон одкстоптф 67% молемс. Кизоста ульсь ётафтф 9 тежянь малава мероприятия патрулированиять коряс.
Тя кизонь приоритетнай задачатнень ёткс путфт: перьфрялень ресурснень эзда доходностть касфтомац, внебюджетнай тефнень касфтомасна-виияфтомасна, вирень отрасляти од специалистонь тердемась и покодихненди зарплатань кеподемась.
Артём Здунов эсь выступлениясонза китькстазе: сембе основной направлениятне лесопользованиянь сферать касмтомаса-виияфтомаса азфт Россииянь Президентть аф кунардонь Федеральнай Собранияти посланиянц эса – тя и особо ванови перьфпялень зонань ванфтомась, и кржа и юмай видонь араламась, экотуризмань и нацпарконь касфтомась-виияфтомась.
Мордовиянь Оцюнясь шарфтсь оцю мяль ведомствать сяда эряз участиянц лангс федеральнай проекттнень эса – эсь пингстонза аноклакшнемс и макссемс заявкат, штоба улель сяда оцю шанс федеральнай центрать лездоманц лангс. Кепотьксонди, кярьмодсть Тавла ляйть русланзон урядамозост (покодемась шумордави тя кизоть), планца – Левжа, Инсар ляйхнень и Тавлать лия участканзон урядамасна. Средстват тят покодематнень лангс эрявихть сафтомс. Сон тяфта жа путсь задача самомс показательть 100% -ти вирень пяшкодемать коряс (тяни 96%).
Эрявикснень ёткса тя тевте эса особо ванови перьфпялень территориянь инвенторизациясь. Сюконямок дополнительнай финансированияти республиканскяй бюджетста тят покодематне ульсть ётафтфт вете ОПТ-нь коряс. Маластонь кота кизотнень эряви инвентаризировандамс 49 территория. «Тя эряви аф аньцек контрольть, но и рекреационнай туризмать касфтома-вииямафтома ширеста», - китькстазе Артём Здунов.
Ётай кизоть Республикань Минлесхозсь арьсесь ведень ётафтомань од региональнай Стратегия, ванфтомань и ведень ресурсонь качествань касфтомань. Мордовиянь Оцюнясь мярьгсь маластонь пингть етафтомс сонь публичнай презентазиянс, тердемс тя тевти экологиянь активисттнень и наукань пуромксть.
Республикань Оцюнясь путсь тяниень кизоти эрь кодама задачат:
– республикаса лама озафтомань эсь материал– эряви мушендомс возможность сонь мишендемс, рынкаса тянди ули интерес;
– старандамс сувамс Волгать пчкафтоманс коряс федеральнай программати.
Коллегиять шумордамста Артём Здунов арьсесь министерствань коллективти и отраслять специалистонзонды целень сатома, а стяня жа казссь государственнай наградат.
Мордовия Республикань Оцюнять пресс-службац