Мероприятияса примасть участия РФ-нь ЦИК-нь Председательсь Элла Памфилова, «Защитники Отечества» госфондонь председательсь Анна Цивилёва, ПФО-нь региононь оцю должностень занци ломаттне, РФ-нь Федеральнай Собраниянь, властень органонь округонь федеральнай структурань, научнай и общественнай организациянь, законодательствань представительхне.
Игорь Комаров тяшкстазе: властень оргаттненди и общественнай иснтитуттненди ломаттнень надиямань уровентть касфтомац – эрявикс факторсь общественно-политическяй стабильностьса и странать касомаса-виияфтомаса. Игорь Комаров азондсь покодемать колга, кона ётафтови округса ся задачатнень мархта, конатнень путозень странань Президентсь Владимир Путин. Полпредть мяленц коряс, региононь властти эряви шарфтомс башка мяль эряйхнень мархта сотксненди, сувафтомс синь решениянь примамати и фкя-фкянь ёткса кеме сотксненди.
«ПФО-сь Россияса васенцекснень ёткса, коса кармасть покодема эрь кодама обратнай сотксонь механизматне, конат тячи шарфтсть оцю федеральнай платформатненди. Региононь оцюнятне эрязста нолясазь тевс социальнай сеттнень, и минь округоньке странаса васенцетнень ёткса», - китькстазе ПФО-са Россиянь Президентть полномочнай предствителец.
«Тейнек эряви курокста и лац пяшкодемс сембе кизефкснень, конат таколфтсазь спецоперациянь ветераттнень и шавф боецнень мала ломаньцнон. Сянкса фондсь вяти марстонь кеме покодема кода федеральнай, стане и региональнай властень оргаттнень мархта. ПФО-нь субъектса лама эсьлацонь проектта, конат лездыхть спецоперациянь ветераттненди. Инь цебярьхне эрявихть келепнемс и сувафнемс странать лия регионц», - тяшкстазе «Защитники Отечества» Государственнай фондть председателец Анна Цивилева.
Пуромксть пингста Башкортостан Республикань Оцюнясь Радий Хабиров эсь докладсонза корхтась властень оргаттненди и местнай самоуправленияти надиямань уровенть касфтоманц колга. Эсонза няфтьфтольхть организацияса тя покодемать эса эрявикс подхоттне и механизматне.
Артём Здунов, корхтамок ётафтф Советонь пуромксть колга, тяшкстазе: «Тячи Уфаса лац-ряц тифтольхть государстваньконь Оцюнянц эняльксонзон, конат сотфт СВО-нь участникнень и синь семьяснон ширеснон кирдемаснон мархта. Минь элитаньке – тяфта лемдезень ня мужественнай ломаттнень Президентсь.
«Защитники Отечества» Госфондть мархта марса лезттама минь воиноньконди лац марямс пряснон гражданкаса, максомс синь опытснон и содамошиснон кадрань касфтомати, лездомс реабилитацияса, медобслуживанияса, проекттнень эряфс нолдамаса – тят задачатнень путозень минь Президентоньке».
Мордовия Республикань Оцюнять пресс-службац