«Сёрмат фронтста. Лувсайть, и сельминголет ётни ломанть эряфоц, мяленза-арьсеманза. И сонь фкя инь васенце надиямац – мрдамс куду, няемс и ктмордамс семьянц.
Инголенот Ромодановскяй райононь Константиновка велеста Иван Федотович Мартюшинонь сёрманза. Сон шачсь 1905 кизоня, войнать ушедомс ульсь школань директоркс. 1941 кизоня доброволецокс тусь фронту. 214 стрелковай дивизиянь политчастть коряс учебнай батальонть командиронц заместителец старшай лейтенантсь Иван Мартюшин геройкс тюрсь, ламоксть няфнесь отвага и мужества. 1942 кизоня шавфоль геройкс. Куломдонза меле казьф Отечественнай войнань I степенень медальса.
Иван Федотовичень сёрманзон эса лама кельгомада и радня ломанензон колга заботендамада, оцю мяль лездомс, кирдемс ширеснон. Кулхцондода. И кда тинь семьясонт ванфтовсть фронтовой сёрмат, обязательна лувость синь шабантенди. Теест эряви пачфтемс, кодама аф тёждяста сатовсь Сяськомась, кодама важна ванфтомс мирть».