«Тячи тейнек ули кода мярьгомс, што Россиянь Президентонь кочкамась ётась, сон законнай, легитимнай. Улихть результатт, конат корхтайхть тяниень Президентть увереннай сяськоманц колга», - мярьгсь Артём Здунов.
Мордовияса кочкамань кампаниясь этась сетьмоста, оцю нарушеният ашельхть. Мордовиянь эряйхне няфтсть оцю эряз ши.. Республикась арась васенцекссь Приволжскяй федеральнай округса кочкамань участкаткатненди самать коряс – пцтай 85%. Владимир Путинонь инкса максозь эсь вайгяльснон 89 %-та лама республикань эряй.
Инь оцю явкань коряс результат няфтьсть Атяшевскяй, Ромодановскяй и Дубенскяй райоттне – 96,69 % и сяда лама. 90 % оцю показательсь сатф 21 муниципальнай районса. Инь оцю показательхне тяниень Президентть инкса няфтьфт: Дубенскяй районса – 96,35 % вайгяль, Старошайговскяйса – 95,67 %, Теньгушевскяйса – 95,18 %. Владимир Путинонь кирдезь 90% лама избиратель Мордовиянь 21 районста. Регионтть руководителец китькстазе станя жа Рузаевскяй райононь эряйхнень кочкамань эряз шиснон.
Сюконяма вал мархта Артём Здунов пшкядсь сембонди, кие сась кочкамань участкатненди: «Кельгома землякт! Сюкпря эряз гражданскяй позициянкса, кеме, виде отношениянкса странать и республикать вандыень шинцты».
Кочкамань шитнень 6 тежяньтть эряз ломань ульсть кочкамань коммисияса. Тя кизоть васенцеда УИК-в сувайхне участвовандасть «ИНФОРМ-УИК» проектть тевс ётавтомаса - ётафнесть азондомань покодема. Тяфта жа регионтть руководителец сюконясь сембонди, кие ульсь заняф инициативнай пуромкснень и штабнень покодемаса, кочкамань кампаниянь организаторхненди и участникненди – ваныхнень, доброволецнень, медикнень, правоохранительнай органонь представительхненди, экстреннай и коммунальнай службатненди, ошса и республикань районса властень органонь покодихненди, массовай информациянь представильхненди – вишкста и видеста кулянь пачфтеманкса.
Китькстасаськ, што марнек 739 кочкамань участкаса республикаса покодсь пцтай 2,5 тежянь наблюдатель эрь кодама партияста и организацияста, ульсь тиф общественнай наблюдениянь система. 269 вайгялень максома участкаса ульсь видеонаблюдения - синь эсост максозь эсь вайгяльснон 71 % видеса республикань эряй. Мордовияса тят шитнень покодсть и международнай экспертт – синь китькстазь результаттнень видешиснон.
«Арьсян, што кочкаф Российскяй Федерациянь Президентсь марязе ломаттнень кеме кирдемаснон. Минь лядоме покодема вии лидерть мархта, сонь пацянц ала. Тейнек тя эрявикс кочкама! – мярьгсь Артём Здунов. –Мордовиянь кочкайхнень позициясна нинге весть няфтезе фкя фкянь мельге моли и мудрай решениянь кочкамать».
Мордовиянь Оцюнясь китькстазе, што республикать инголе ащи оцю покодема проекттнень коряс, конат кирьтьфтольхть Президентть мархта –особай экономическяй зонать виияманц-касфтоманц, социально-экономическяй вииямать-касомать индивидуальнай программанц эряфс этафтоманц, СВО участникнень кирдемаснон и реабилитацияснон коряс.
«Тя кочкамать инь эрявиксс плюсоц – стабильностьсь, порядкась и минь виияманеке-касоманеке. Марса минь тяштьтяма Россиять од историянц. Тя вий, авторитет, сонь лувкссонза и народъётконь аренаса. Минь марятама вандыень шить эса уверенность!» - китькстазе Артём Здунов.
Регионтть руководителец китькстазень станя жа решениятнень, конатнень колга корхтась Президентсь аф кунардонь посланииянц эса, конат кандыхть Мордовияти лама пара ширеда. Синь токсесазь субъекттнень лангста шумонь нардамать, семьянь и од ломанень кирдемать, демографиять, трудовой ресурснень.
«Сембе нят решениятнень карматама этафнемост республикаса эряфс, васенце рядтнень эса – участвовандамс президентскяй программатнень эса, вешендемс средстват, строямс, - мярьгсь шумордамста Артём Здунов. - Минь няфтеськ сембе масторти, што минь марсотама, аф ваномок кодамовок провокация лангс. Аф пелезь мольхтяма инголи!»
Мордовия Республикань Оцюнять пресс-службац