Башка мяль шарфтфоль странань суверенизациянь кизефксненди, экономикать и региоттнень касфтомаснон- виияфтомаснон лангс, ломаттнень эряфснон цебярьгофтомаснонды и семьятнень кирдемаснонды. «Тячи корхтамась мольфтеви аф анцек маластонь мяльхнень-арсематнень колга, но и стратегическяй задачатнень, ся кизефкснень, конат пяк эрявихть странать кемоста ащеманцты и виияфтоманцы. Ломаттнень мяльсна, синь надиямасна арасть инь эрявикс нежетьксокс ся проекттненди, ся инициативатненди, конатне кайгихть тячи. Сембе арьсефть ётафтомс эряфс минь тисаськ анцек марса» - китькстазе Владимир Путин.
Башка мяль шарфтфоль спецоперациять ётафтомс лангс, сембе ся направлениятнень, конат тисазь сонь задачанзон: «Тячи мзярда Родинаньке кирьдсы эсь сувернитетонц и сетьмешинц, араласыне соотечетсвенникнень Донбасса и Новороссияса, эрявикс роль тя тюремаса сашендови минь ломаненьконди, минь марстоньшиньконди, шачема масторть кемоманцты, кандомс ответственность эряфонц инкса. Араламась, суверинтетть кемокстамац моли тячи сембе направлениява, васенцекссь, фронтса, коса кемоста и аф пелезь тюрихть минь боецоньке. Сюконян сембонди, кие тюри тячи отечествать мялензон инкса».
Семьянь кизоста Президентсь эсь пшкядемстонза лемдезе Российскяй семьянь демографияти и лац эсь прянь марямати. Владимир Путин пачфтсь «Семья» од нацпроектть нолдаманц колга. Сон кармай шарфтф семьятнень кирдемаснонды, сядонга пяк лама идень мархтотненди - тя и пособият, ипотекать коряс ставкат, налоговай вычетть касфтомац шаба мархта семьятненди. 2030 кизоть самс поладовсь материнскяй капиталть коряс программась. Сядонга оцю лезкс Федеральнай бюджетста кармай кучьф региоттненди, коса шачемать коряс уровенць среднероссийскяйть коряс сяда ёмла.
«Идень мархта семьятненди лезкссь – минь фундаментальнай нравственнай кочкаманьке. Лама идь мархта семьятне должны арамс нормакс, обществань эряфонь философиякс, ориентиркс сембе государственнай стратегияти. Эряви стакшинь покодема, кона вяти семьянь эряфонь шачемать коряс кирдемань цебярьшити» - тяшкстазе Владимир Путин.
Президентть пшкядеманц тяшкстазе Артём Здунов: «Минь сувсетяма ся региоттненди, коса улихть афкуксонь демографическяй прябалат – мекольце 30 кизотнень регионцта тусь пяк лама ломаньда, тянь мархта шачемаське аф оцю. Сянкса минь, конешна, «Семья» программати и лама идь мархта семьятнень ширеснон кирдемаснон лангс карматама пяк ванома». Владимир Путин азозе, «Продолжительная и активная жизнь» нацпроектть видеса маластонь кота кизотненди здравоохранениянь обьекттнень строямаснонды, петемаснонды кармай кучьф 1 трлн. цалковай, кармай нолдаф населениять репродуктивнай шумбрашинц ванфтомать коряс программась.
Стане жа сай кизоста ушеды идень садонь капитальнай ремонтонь петемать коряс программась. Школатнень капремонттснонди Президентсь путсь задача – 2030 кизоти марнек сёлгомс тя прябалать региоттнень эса.
Тядде кармай нолдаф «Молодёжь России» нинге фкя национальнай проект. «Тя проектсь сай пингть колга и лемдеви минь старананьконь сай пингонцты», - тяшкстазе Владимир Путин и сюконясь тонафтыхненди тевснон и касы поколениять воспитаниянц инкса.
Башка ванф Президентть Пшкядемасонза максовсь населениять доходонцты, синь лувкссот бюджетнай сферань работникне. Эрявикс арьсефсь – региоттнень ёткса заработнай платань явомань кирьфтамась. 2025 кизоти государствань главась путсь задача арьсемс субъектса бюджетникненди ярмаконь пандомс од модель.
«Ётай кизоть Россиянь экономикась кассь сяда вяри мировойть коряс. Ня показательхнень коряс минь лихтеськ аф аньцек Евросоюзонь вяти странатнень, но и оцю семеркань сембе государстватнень. Маластонь пингть титяма оцю аськолкс инголи: суватама сембе масторонь экономическяй державань оцюдонга-оцю четвёркав. Тя касомась ламода касфтсыне ломаненьконь доходснон» - азозе Владимир Путин. Тянц мархта путф задача 2030 кизоти МРОТ-сь касфтома 35 тёжянь цалковайс.
Кадрань анокламать коряс прябалать Президентсь лихтезе лангти – сонь тиемац кармай мольфтевома «Кадры» од нацпроектть мяльса кирдезь. Сон касфтсыне направлениятнень «Профессионалитет» программать видеса, кемокставихть соткне школа-вуз-работодатель, профессиянь сявомати тяниень пингонь цебярь базань тиемс: ремонттне и СПО-нь учреждениянь валдоптома, вуснень, общежитиятнень, наукань и образованиянь центрань касфтомати-виияфтомати. Поладвось кота кизос и «Приоритет 2030» высшай школать и потенциалть касфтоманц коряс программась.
Мордовиянь Оцюнясь китькстазе: «Сембе кенярдсть «Кадры» нацпроектти, сяс мес сонь кармай мольфтевома сай пингонь специалистть школаста сявомок вузти молемс и токасыне профессиональнай учреждениятнень».
Башка ванф Владимир Путин шарфтсь наукать и промышленность эса странать технологическяй ширде касоманцты-виияфтоманцты, пяшксе сувернитетть сафтоманцты. Сави кафксть касфтомс карьхцне исследованияти и разработкатненди, штоба странась перспективаса улель сембоц и 2030 кизоти кирьфтамс импортть долянц 17 %, а инвестициянь объепнень касфтомс 70 %. Тяконь лувксса эряви касфтомс трудонь производительностть, касфтомс производственнай процесснень технологичностьснон и синь роботизированостьснон, нолдамс искусственнай интеллекть.
«Государствать ширде инвестициянь кирдемань сембе мератне, предприятиянь тиемась и одкстоптомась должны улемс сотфт сотрудникненди заработнай платань касфтомати, покодемань и работникненди социальнай пакетонь условиянь цебярьгофтомати», - китькстазе Владимир Путин.
Бизнессь арась фкя инь эрявикс темакс Пшкядемаса. Ётай кизоть Россияса кемокстаф 1,2 млн ёмла и средняй бизнесонь од компания – тя инь оцю показательсь мекольце вете кизотнень. Президентсь азондсь бизнесонь кирдемати кой-кодама мерат и китькстазе: «Эряви лездомс ломаттненди предпринимательскяй средаста. Синь тиихть и макссихть покодема вастт, пандыхть ломаттненди ярмак. Тянц эса властть эрявиксшиц – лездомс».
Государствань Оцюнясь азсь сюконяма валхт АПК-нь сферать покодиензенды 2030 кизоти российскяй АПК-ть производствац должен касомс аф четвертта кржас ётай кизода, а экспортсь касы фкя пяледа. Сяда тов кармай велень территориятнень касомань-вииямань программать мольфтемац и отраслять кирдемац.
Президентсь шарфтсь оцю мяль цифровизациять лангс: Тяникиге Россиясь – васенцекссь масторлангса электроннай видса государственнай услугань максома тевса. Сяда тов мольфтемс сембе эряфонь и тевонь сфератнень эса цифровизациять ули кода од нацпроектть «Экономика данных» потмоса.
Фкакс инь эрявикснень ёткста Владимир Путинонь выступлениянь теманзон эзда арась странать региононзон касомасна-вииямасна, синь шумонь сталмоснон валхтомасна. Сон азозе, што региоттненди бюджетнай кредитснон коряс 2/3 шумоснон эзда кармай нардаф. Кармай касфтовома субъектненди инфраструктурнай кредитонь портфель эрь кизоня 250 млрд. цалковайда аф кржа.
«Станя жа арьсян, што региоттненди эряви максомс сяда кели возможностть ярмаконь тевс нолдамаса национальнай проекттнень касфтомс-виияфтомс. – Тяниень пингть 10 странань субъект аф козя экономикань ширде нолдасть эряфс социально-экономическяй касфтомань-вииямань программат. Мон эняльдян Правительствати кадомс тят программатнень нинге 6 кизос. Эряви штоба 2030 кизоти сембе регионнеке аральхть экономикань ширде пяшксет. Азса тага, тя справедливостень кизефкс, сембе странаса, сембе ломаттненди фкя лаца касомань и вииямань условият и эряфонь цебярь стандартт».
Республикать руководителец Президентть тя направлениять коряс решениянц колга мярьгсь: «Финансовай дисциплинать лангса минь покодтяма кунара, Мордовиять экономиканц лангса покодтяма предметна. Сафтоськ семботь порядкас, суваме цебярь финансонь тии региоттнень ёткс. Тят решениятне макссихть тейнек инвестициянди возможность – сяс мес минь курок появай особой экономическяй зонаньке, касфтф ТОСЭР-сь. Тяни эряви путнемс вийхть экономикати – тя инь виде решениясь: путнемс тоза, коса ули меки максома, штобы минь пяшкотькшнелинек социальнай задачатнень».
Станя глава государствань Оцюнясь шарфтсь мяль налоговай системать покодеманц лангс – минь инголенк ащи фиксальнай системать одкстомац и сяда справедливай налоговай сталмонь явома.
Владимир Путин азсь мяль тиемс перечень нинге 200 лама оцю и ёмла ошень – эздост кажнайти арьсемс и сувафтомс тевс мастер-план (марнек касфтомань-виияфтомань программась сувафты эсь эзонза 2 тёжятть населеннай пункт). Касфтф общественнай территориянь благоустройствань программать пингоц - Россииса кота кизоста кармай тиф 30 тежяньда лама общественнай пространства.
Оцю мяль ульсь шарфтф культурань и туризмань проектненди, кармайхть касфтфт Пушкинскяй картать возможностенза, 2025 кизоста ушеды «Земский работник культуры» программать эряфс сувафтомац.
Президентсь тяфта же азозе, што «Чистая вода» госпрограммась кармай покодема сяда тов и аварийнай эрямавастса расселениянь од программать сувафтоманц колга. Социальнай газификациять коряс социальнай программать мархта тяни ули кода лездомс садовай товариществатненди. Марнек ЖКХ-ть одкстоптоманц лангс кармай максф 4,5 трлн цалковай. 2030 кизоти региоттненди кармай пачфтьф 40 тежянь эрь кодама общественнай транспортонь еденица, кармай одкстоптф школьнай автобусонь парксь.
Корхтамок СВО-нь участникнень колга, Владимир Путин китькстазе: «Теест эряви лисендемс ведущай позициятненди и образованиянь системаса и од ломанень воспитанияса, и общественнай пуромксса, госкомпанияса, бизнезса, государственнай и муниципальнай управленияса, арсемс региононь Оцюнякс, предприятияса, инь оцю отечественнай проектса. «Элита» валсь ламоса эсь прянц равчкофтозе. Прокс элитась – ся, кие служендай Россияти, покодихне и воиттне, конат тевса няфтезь Россияти кельгомаснон». Государствань Оцюнясь макссь старт «Время героев» СВО-нь участникненди од кадровай программати, максомс заявка ули кода тя кизонь 1 мартста.
Посланиять песа Президентсь китькстазе: «Кизоть аделамс сембе национальнай проекттне, конатнень колга тячи корхтань, эрявихть кемокстамс и эсь ётковаст сотомс. Тя аф башка ведомствань проектт, теест эряви покодемс марстонь системнай задачатнень лангса минь странаньконь национальнай целеньзонь сатомаснон инкса. Васенцесь — тя ломанень оценкась, ся, кода полафни цебярь ширети синь эряфсна. Минь марсотама, и и сянкса тисаськс сембонь станя, кода и ёратама тиемс, кода арьсетяма. Верондан минь сяськомазнок, сатфксознок, Россиять вандыень шизонза!»
«Тя Посланиясь фкясь инь виихнень ёткста – сонь эсонза ульсть токафт пцтай сембе ширетне. Тейнек эрявикс, что сембе проекттне – комфортнай городской средань, инфраструктурань модернизациять коряс – лядыхть эряфса 2030 кизоти, - мярьгсь Артём Здунов. - Монь седиезень токазе мекольце заявлениясь воявайхнень кирдемаснон колга. Эсь инксонок минь тяфта жа карматама покодема синь мархтост: кармай оцю федеральнай проект, а минь тихтяма «Моя Мордовия» кадровай проектть лангс ванозь эсь республиканскяй проектоньконь. Цёратненди эряви няфтемс реальнай кирдема, синь должны мумс эсь пряснон, мзярда мрдайхть СВО-ста. Тя сят ломаттне, кинь лангс тейнек ули кода надиямс!»
Мордовия Республикань Оцюнять пресс-службац