Темниковскяй райну рабочай поездканц шумордамста Мордовиянь Оцюнять аф лама пингс тевонзон тиендисна Артём Здунов ульсь Санаксарскяй алянь монастырьса, кона пуроптфоль 1659 кизоня, территориясонза калмаф великай флотоводецсь Федор Ушаков, тядде топоди 20 киза сонь канонизациястонза.
Санаксарскяй монастырсь Россиянь духовнай центратнень еткста фкясь, сембе странать эзда поломникне сашендыхть сюконяма праведнай воинти Федор Ушаковонди. Служамстонза Ушаков апак сяськтоль фкявок сраженияса, сонь командованиянц ала фкявок карабль апак кирттель, фкявок моряк ашезь пова пленц. Адмиральскяй чинть Федор Федорович получазе 1799 кизоня, сявомок Корфу крепостть и араламок француснень эзда Ионическяй островть.
Темниковав содаф адмиралсь сась отставкас тумдонза меле и эрясь мекольце шинзон самс. Улемок содаф санаксарскяй старецти Феодоронди племянникокс, Ушаков сидеста сашендсь Санаксарскяй обители, конань территорияса и калмафоль эсь мярьгоманц коряс.
Артём Здунов сюконясь святой праведнай воинть Феодор Ушаковонь мощанзонды и ульсь калмонянц лангса.
Мордовия Республикань Оцюнять пресс-службац