«Седи ваксста поздравляндатя Тонь Победань шить мархта! Сюкпря Тейть сембонкса, мезе тиеть странаньконди, Мордовияти! Арьсян лама киза эрямс, кеме шумбраши и сембе цебярть!» - мярьгсь Артём Алекссевич Касим Садыкович Искандяровонь мархта телефононь пачк корхтамста. Каршезонза кайгсть символичнай и седиень токай валхне: «Служан Советскяй Союзти!»
Касим Садыкович примась участия Курскяй тюремаса. Омбоцеда передовойти повсь 1943 кизоня. Эсь девизиянц мархта пачкодсь Витебскяи. Казьф Отечественнай войнань I степенень орденца и «За отвагу» медальса. Тяни эряй Лямбирьса.
Татьяна Ильинична Макушкинать Артём Здунов содасы лична, сиренять шачема шистонза, мзярда теенза топодсь 100 киза, республикань Оцюнясь сашендсь ширезонза. Татьяна Ильинична Макушкина войнань кизотнень трудендакшнесь паксяса, шувондсь окопт Сура ляйть аймакса. Эряфоньберьф трудендакшнесь Большеберезниковскяй райононь колхозса, сон тылонь труженик, трудонь ветеран.
Мордовиянь Оцюнясь поздравляндазе Татьяна Ильиничнань илать мархта, кизефнесь кода шумбрашиц и кода ащихть тефне эняльдеманц – кудонцты водопроводонь пачфтемать пяшкодеманц мархта тефне. «Примайть Великай Победань шить мархта поздравлениянень! Кеме шумбраши тейть, лама киза эрямс!» - мярьгсь республикань Оцюнясь, надияфтсь, што тага анок самс ветерантть шири шачема шистонза.
Мордовиянь Оцюнять телефононь пачк поздравлениянц стане жа получазе и Лариса Андреевна Медведева. 1941 кизоня сон доброволецокс тусь фронту. Воинскяй кить ётазе Германиять сяськомс и поладозе Японскяй войнаса. Казьф Отечественнай войнань I степенень орденца, «За отвагу», «За победу над Германией» и «За победу над Японией» медальхнень мархта. 55 кизода ламос работась Саранскяень предприятиятнень эса.
Сюкпря Победать инкса, кельгома ветератт! Сюконятама карксэземга теенть!
Мордовия республикань Оцюнять пресс-службац