Мордовиянь Оцюнять аф лама пингс тевонзон тиендисна Артём Здунов 9 апрельста ВКС-нь режимса етафтозе коронавируснай инфекциять профилактиканц и келемоманцты кить персеманц коряс региональнай оперативнай штабть заседаниянц. Корхтамась мольфтевсь тячиень эпидемиологическяй ситуациять, вакцинациять мольфтеманц, здравоохранениянь региональнай системать работанц, санитарно-эпидемиологическяй вешфкснень пяшкотькшнемаснон мельге контрольть колга.
Мордовиянь Оцюнять аф лама пингс тевонзон тиендисна азозе: ковоньберьф коронавирусса сярядихнень лувкссна республикаса кирди фкя уровеньца: од сярядида суткаста мушендови 36-38 ломань. Ковиднай стационарса ащихть пцтай 600 пациент, амбулаторнайста ОРВИ и пневмониянь теждя форма мархта пчксихть 1300 ломанць.
Сяда тов мольфтеви населениять коронавируснай инфекциять каршес вакцинацияц. Региону поступась вакцинань пцтай 100 тежянь комплект.
«Тячиень шити прививкась – тя сембода эффективнай способсь араламс пря ковидть эзда и лоткафтомс инфекциять келемоманц, - мярьгсь Артём Здунов. – Поставкатнень объемснон касфтоманц вельде суткаста прививкань тифтихнень лувкссна касфтовсь 2500 ломаньц. Вакцинациясь виензафнема сяда товга».
Сембе специалисттне сашендыхть фкя мяльс, што коллективнай иммунитетть сатомс любой пингть эпидемиологическяй ситуациясь может полафтомс кальдяв шири. Сяс ограничительнай мератне аф лоткафневихть.
«Лямбе пингть саманц мархта ломаттнень активностьсна кармай касондома: синь сяда сидеста кармайхть лисендема парку и скверхненди, идень площадкатненди, касы пассажирхнень лувкссна мужмуниципальнай, дачнай маршруттнень эса, - азозе Мордовиянь Оцюнять аф лама пингс тевонзон тиендисна. – Сяс эряви ванфтомс дезинфекциянь режимсь общественнай транспортса и лама ломанень пуропни васттнень эса».
Мордовия Республикань Оцюнять пресс-службац