25 апрельста Артём Здунов васьфнесь РФ-нь Общественнай палатать демографиять, семьять, иттнень и семьянь традиционнай питнишитнень араламаснон коряс комиссиять членонц, «Женщины за жизнь» благотворительнай фондть президентонц Наталья Москвитинать мархта.
Ванондовсь Мордовиять кода пилотнай региононь Россиянь Общественнай палатать «Новая философия заботы о материнстве» федеральнай проектсонза участиянь примамац. Сон водендаф пеки аватненди медицинскяй лезксть максоманц од алгоритманц эряфс сувафтоманцты.
Проектса арьсефт авань консультациятнень эса пара ваймонь тядяксшинь комнататнень тиемаснон мархта ремонтть ётафтомац, а стане жа сай пингонь эрь тядяти «Поздравляем, вы – будущая мама!» наборхнень максомасна. Эзост кармайхть сувсема щапт од шачихненди и сембе видонь господдержкать и аф коммерческяй организациятнень лезксснон, мезть ули кода получамс авати мзярда сон учи шаба и иднять шачемдонза меле, информациять мархта буклет.
Артём Здунов кирдезе авань консультациятнень одкстоптомснон квалма мяльть.
Примафоль Саранскяень 1№ ЖК-са работатнень ушедомаснон и тоса сай пингонь тядятнень образцово-показательнай кабинетснон тиеманц колга решениясь.
Мордовиянь Оцюнясь шарфтсь мяль, што тяфтама проектть ули кода лац келептемс кода республикань райоттнень, стане и странань региоттнень лангс.
Проектть сяда товолдонь этапонза токасазь 3 кизос молемс иттнень мархта тядятнень ширеснон кирдемаснон.
Мордовия Республикань Оцюнять Пресс-службац