Объектть участкаса Пролетарскяй ульцяста сявомок и пцтай Сызранскяй ульцяти молемс тифт покодемат 35 опорань путомань коряс, монтировандафт 27 пролетоньди балкат. Тяни ОАО «Хотьковский автомост»-сь мольфти консольнай монолитнай участкань тиема тевть, аделсесыне консолень монтажть коряс покодематнень металлаконструкциянь кирдиень участкатнень лангса. ООО «СТДС» подрядчиксь ётафтсь насыпть подошванцты кемокстамань покодемат, модань полотнать устройстванц. Мольфтеви ливневай канализациянь и насыпонь откосонь кемокстамань покодема.
Тяфта жа ульсь китькстаф, што пцтай анок покодемань ётафтомс объектть пяльксоц кольцевой развязкити молемс Гожувскяй ульцяса. Эзганза маластонь пингть сави ётафтомс сяськомань продедурат и мумс подрядчик.
Артём Здунов китькстазе, што объекть эряви тиемс сяда вишкста. «Тейнек тя проектсь пяк эряви – кись сотни мзярошка ошень микрорайон, эряви промышленнай сферати, сявсы эсь лангозонза сяда оцю потокть ули центральнай магистральхнень лангста», - мярьгсь Мордовиянь Оцюнясь.
Регионтть руководителец макссь РМ-нь Правительствати поручения объектть перебойфтома финансированиянц колга строительнай покодематнень шумордамс.
Мордовия Республикань Оцюнять пресс-службац