Юрий Горюнов пачфтезе, што 2022 кизонь 7 ковста Управлениясь обеспечендазе 17 миллиард 220 миллионц цалковайть поступамаснон. Бюджетонь пуропни доходнай сембе источникнень коряс сатф касома ётай кизоть коряс. Касомась арась 122 процент, тяконь лувксса организациятнень прибыльснон лангс налогть коряс – 147 процент 2021 кизонь тяка пингть коряс.
Физическяй лицатнень доходснон лангс налогть коряс поступлениятнень касомасна арась 113,8 процент, мезсь ащи ряцок республикаса заработнай платань фондть касоманц темпонзон мархта, пивать лангс акцизатнень коряс – 152 процент, специальнай налоговай режимть тевс ноляманц мархта сотф пандоматнень коряс – 111 процент.
Рабочай васедемать пингста ванфтольхть республикать налоговай потенциалонц касфнеманц коряс кизефксне.
Мордовия Республикань Оцюнять пресс-службац