Мордовиянь Оцюнять аф лама пингс тевонзон тиендисна Артём Здунов 4 майста Санкт-Петербургса васетькшнесь Россиянь Военно-морской флотонь главнокомандующайть адмиралть Николай Евменовонь мархта. Васедемать пингста корхтафоль военнай морякнень, нахимовецнень и кадеттнень святой праведнай воинть Феодор Ушаковонь канонизациянц 20 кизонь топодеманцты лемтьф мероприятиятнень эса участвондамаснон колга.
Лятфтасаськ, тя илати лемтьф основной торжестватне кармайхть Саранскяйса и Темниковаса 2021 кизонь 4-5 августста. Тяда башка, республикаса кизоньберьфонди арьсефт мероприятият, конат лемтьфт великай флотоводецть лятфнеманцты, синь лувкссост — Мордовияса Ушаковскяй васттнень эзга экскурсионнай программатне.
Стане жа васедемаса ванфтольхть кизефксне, конат сотфт од ломаттнень патриотическяй воспитанияснон и Мордовиянь Темниковскяй районца паломническо-туристическяй кластерть виияфнеманц мархта.
Мордовия Республикань Оцюнять пресс-службац