Артём Здунов китькстазе: «Россельхознадзорть покодемац лезды республикань агропромышленнай комплексонцты касомс-вииямс. Марса покодемась лезды лац покодемс кизефкснень лангса, конат сотфт странать продовольственнай сетьмешинц пяшкодеманц мархта. Тяфтама направлениятне кода эпизоотическяй сетьмешись, сельхозоборотти аф заняф модань нолдамась, фальсификатонь мумась эряви фалу кирдемс контрольса».
Виктор Кидяев эсь докладсонза китькстазе, што 2023 кизоня профилактическяй мероприятиятнень лувкссна пцтай колмонь крда етазь контрольнайхнень лувксснон – тя корхтай Россельхознадзорть превентивнай покодемань характеронц колга.
Эрявикс направлениясь Управлениять тевса тя аф пчкяй, сонь ётксонза фальсифицированнай продукциять шарфтомаста урядамац, а тяфта жа Мордовия Республикаса, сонь ётксоснза социально значимай учреждениятне, животноводствань продукциять безопасностенц федеральнай мониторингонь ётафтомась.
Ваномок 2022 кизоть лангс, безопасностень и качествань показательхнень коряс ярхцамбялень продукцияса афсоответствиянь мумань лувскссь емлалготсь пцтай 20%-тс.
Эрявикс направлениясь - сельхозназначениянь модатнень мельге ваномась - 2023 кизоня ётафтф мероприятиятнень пингста ульсь сувафтф сельскохозяйственнай оборотс 1,5 тёжянь гектар инголи тевс аф нолдаф мода. Тяфта жа ульсь муф 12 несанкционированнай свалка, 11 эздост урядафт.
Васедемаса корхтасть Россельхознадзоронь региональнай управлениять, республикань Правительствать и местнай самоуправлениянь оргаттнень сяда тов марса покодемаснон колга .
Мордовия Республикань Оцюнять пресс-службац