«Пелькс терактсь 22 мартста Москуса аф аньцек сявсь лама эряф и кандсь российскяй семьятненди оцю зиян, но и кеподсь обществаса лама корхтамада и кизефкста антитеррористическяй араламать коряс и миграционнай законодательствать виияфтоманцты сятнень ширес, кит сашендыхть страназонк. Терактть аноклаенза ёрасть сувафтомс явоштома, тиемс аф цебярь арьсемат омба масторонь эряйхнень колга, конат эряйхть тяса или ёрайхть получамс гражданства, - тяшкстазе Мордовиянь Оцюнясь. – Сяс аньцек минь профессионализманьке и оржа ванфоньке лездыхть содамс цельхнень, конань мархта сашендыхть Россияв и Мордовияв омба масторонь эряйхне».
Артём Здунов китькстазе, што тя задачать тиемс лездыхть кеме межведомственнай сотксне, шарфтомс общественнай контрольть мяленц. Тяшкстафоль, што ётай кизонь итокнень коряс васенцеда лама пингонь ётазь Мордовияса тяштьфоль аф оцю миграционнай касомась – 100 ломаньда лама, тяконь лувксса сон ули и международнай потокса. Ушедсь покодема «Возвращение» республиканскяй программась, кона шарфты мяль мрдафтомс республикав сятнень, кие тусь регионца мекольце кемонь кизотнень.
Республикаса, кода марнек странаса, ащи кадрань аф сатомась лама отраслява, эрявихть покодихть инвестпроекттнень эряфс нолдамаса. Мордовиянь 300 юридическяй ломаньда и индивидуальнай предпринимательда сявондихть покодема лама омба масторонь эряй. Марнек омба масторонь покодиень лувкссь аф оцю – 1 %. Координационнай советтть эрявикс направлениянзон ёткса региононь руководительсь азозе омба масторонь покодихнень шарфтома мяльсна контролень процессти и региононь территорияса покоди мигрантонь балансть ванфтоманц, шарфтома оцю мяль экзаменца рузонь кяльть максоманцты и оформлениять пингста обязательнай медицинскяй освидетельствованиять лангс. Эрявикс задачась – омба масторонь студенттнень контрольсна и тонафнема визань оформлениясь (региононь вузса тонафни пцтай 3 тёжятть омба масторонь эряйда 54 масторлангонь странаста – тя пцтай эрь кемонь студентсь), а стане жа тонафнема организациява омба масторонь эряйхнень идьснон ладямасна.
Башка направлениясь – национально-культурнай автономиятнень, диаспоратнень и землячестватнень, национальнай средаса общественнай мнениянь лидерхнень, традиционнай религиознай конфессиятнень мархта соткснень ладямасна.
«Лац-ряц ладяф миграционнай политикась, межнациональнай ладямань и межконфессиональнай согласиянь кемокстамась – тя государственнай политикать стратегическяй ширец. Тянь колга аф весть корхнесь минь Президентоньке, - китькстазе Артём Здунов. - Тяни, диверсионно-террористическя деятельностть касоманц пингста, тя стабильностень и безопаснайшинь инь эрявикс факторсь. Минь республиканьке, эрь кодама рейтинкнень коряс, сувси инь цебярь и сетьме межнациональнай и межконфессиональнай ширде региоттнень ёткс. Тя процесс пяк шуваня и эрек, сяс эрьда корхтатама гразяматнень и превентивнай покодемать колга».
Координационнай советть пуромксонц пингста Госсобраниянь Председательсь Владимир Чибиркин азозе миграционнай законодательствать касомань-виияфтомань тенденциянзон колга. Китькстафоль, што сембе законодательнай базась ладяф федеральнай уровенть коряс и ваны мельганза Россиянь Правительтвась. Кой-кона региоттне тя сфераса тевс нолясазь и потмоширдень программатнень. Странань Президентть мяленц коряс эряви педа-пес одкстоптомс миграционнай политикати молематне и тиемс тя сфераса башка ведомства. Тяконь лувксса тяниень пингть РФ-нь Федеральнай Собраниясь мольфти работа миграционнай законодательствать одкстоптоманц коряс.
Республикаса миграционнай политикань эрь кодама кизефкснень коряс Советонь пуромксса корхтасть Мордовия Республикань социальнай араламань, трудонь и населениять заняфшинц коряс министрть Игорь Князьков, МР-ть коряс МВД-нь миграциянь кизефкснень коряс Управлениянь оцюнясь Борис Мандрус, МР-нь образованиянь министрсь Елена Солдатова, Н.П. Огарёвонь лемса МГУ-нь ректорсь Дмитрий Глушко, а стане жа покодема вастонь максыхне, конат сивотькшнихть работама омба масторонь эряйхть.
Советонь пуромксть итогонзон коряс Мордовиянь Оцюнясь мярьгсь тиемс план, кона шарфтф тя сфераса обстановкать мельге контрольть виияфтоманц лангс. Эрявикссь – касфтомс оржа ванфсь сембе уровеньца.
«Аськолксне тяфтапт: эрь омба масторонь эряйсь должен ащемс учётса, эрть минь должны содамс», - азозе Артём Здунов. Тяконь мархта республикань руководительсь китькстазе: «Минь макстама питне ломанть смузенц лангс, а аф национальностенц».
Республика Мордовиянь Оцюнять пресс-службац