Корхтамась мольсь регионца ограниченнай шумбрашинь возможность мархта иденди шить ашемань центрань тиемань колга. Тяфтама центратне макссихть семьятненди, конат касфтыхть идтть-инвалидт аф лама пингонь лезкс. Тяфтама организованнай вастса идсь ащи сельме ала ся пингть, мзярда тядятненди-алятненди эряви якафтомс кодама-бди эрявикс тефт.
Ульсь китькстаф, што идень прявкс правась – тя эрямать и семьять лангс правась. Наталья Юткина азондозе, што мекольце кемонь кизотнень 25 тежяньда лама идь няезь тядяснон-аляснон явомаснон:
«Сидеста семьятне явондыхть пяк стакаста, и иттне тянь семботь няйсазь. Мордовияса лафчста ладяф медиациянь службась – аф аньцек психологическяй лезксса, но и ширень мирендафтомаса». Сянкса идень омбудсменсь азс мяль кочкамс медиациянь служба, а тяфта жа панжемс медиативнай лезксонь кабинетт ЗАГСова и районнай судга.
Тяда башка, Артём Здунов и Наталья Юткина корхтасть соцкирдемань мератнень колга, синь ётксост орфаннай генетическяй заболевания мархта идтненди. Тяфта жа корхтамась мольсь нормативно-правовой документтнень, конат токсесазь идтнень-сиротатнень и идтнень, конат лядсть шачфтыень попечительствада одкстопфтомаснон колга.
Мордовия Республикань Оцюнять пресс-службац