Темась эрявикс – тялода меле ламоц китне аф пчкяйгодсть. Ошень эряйхнень эзда сашенды лама энялькс мархта пшкядемада тимс китнень лангса порядкас. Саранск ошень округонь Оцюнясь Игорь Асабин няфтезе республикань руководительти тяддень кизоти кинь работатнень коряс плантть. Эсонза мзярошка направления, синь лувкссост гарантийнай обязательствань потмоса автокинь петематне – синь кувалмосна 124 вайгяльбет. Ярмакнень оцюшкасна кармайхть кучфт лотконь петематненди: кда ётай кизоть ня цельхненди ётафтфоль 15 млн. цалковай, то тядде, кода тяшкстазе Игорь Асабин, кучихть 70 млн.
Кинь петема покодематне ушедовихть лямботь саманц мархта. Республикань Оцюнясь путсь задача виияфтомс покодематнень сембе направлениятнень коряс, тяконь лувксса ваномс васенцекс ащи китнень – сятнень, коса улихть няевикс срафтф-калафтф вастт. Тяса ошти няфтьсазь синць автокельгихне, Артём Здунов эняльдсь Саранскяень мэрти ваномс эрйхнень пшкядемаснон мельге сядонга келиста и лувомс ошэряйхнень мельге прябала васттнень. Стане же Республикань Оцюнясь шарфтсь мяль кинь разметкать эсь пингстонза путоманц эрявиксшинц лангс. Эряйхнень сетьмошиснон лангс ванозь работатне ётафтовихть и ветене.
«Безопасные качественные дороги» нацпроектть коряс 2024 кизоти Саранскяйса ванф автокинь вете участкань петемась 6 вайгяльбень кувалмоса. Работатне тифт инголькиге 2023 кизоня.
Республикань кинь фондста субсидиятнень лезксснон вельде 2024 кизоня арсекшневи тиемс петемань работат автомобильнай кинь 11 участка 5 вайгяльбень кувалмоса 220 млн. цалковай лангс. Работатне кармайхть ётавфтома 1 июньста сявомок 1 октябрть самс. Нят участкатне:
Гагарина ульцясь Полежаева ульцяста сявомок Комуннистическяй ульцяти самс;
Гагарина ульцясь Невскяй ульцяста сявомок Ульянова ульцяти самс;
Косарева ульцясь Волгоградскяй ульцяста сявомок 70 лет Октября проспектти самс;
Васенко ульцясь Титова ульцяста сявомок Ботевградскяй ульцяти самс;
Лямбирскяй шоссесь Победа ульцяста сявомок АЗС Татнефтти самс;
Кооперавтивнай ульцясь Ленина ульцяста сявомок Железнодорожнай ульцяти самс;
Рабочай ульцясь Полянки посёлкаса Полянскяй школать эзда Полянки Станцияти самс;
Жуковскяй проездсь Большевистскяй ульцяста сявомок проспект Ленинати самс;
Мичурина ульцясь Гагарина ульцяста сявомок Филатова ульцяти самс;
Докучаева ульцясь Зеленай ульцяста сявомок Гончарова ульцяти самс;
Чекаевскяй сетть ушетксоц Пушкина ульцяста сявомок Чекаевскяй седти самс.
Кода азозь пуромксса Мордовия Республикань Оцюнять Администрациянц и Мордовия Республикань Правительствать руководителенц васенце полафтыец Игорь Датков и Мордовия Республикань ЦУР-ть руководителец Андрей Барашихин, покодемань планца, конань няфтезе Саранскяень мэрсь, лувфт ошти кинь аф сембе прябалань участкатне. Тяда башка, улихть оцю срафтф-калафтф вастт, конань петемасна ушедома тяникиге, аф учендомок лямботь саманц. Мордовиянь Оцюнясь ня замечаниятнень кирдезень: китнень лангса ломаттнень сетьмешисна – сембода эрявикссь. Примаф решения покодемс плантть лангса нинге и поладомс сонь.
Мордовия Республикань Оцюнять пресс-службац