Республикань Оцюнясь китькстазе, што сонь лемозонза сашендыхть тюрихнень эзда обращеният, пялькссь эздост сотф региональнай и федеральнай пандомань получандамать мархта. Артём Здунов мярьгсь, штоба тят обращениятнень кирделезь особай контрольса и тиенделезь сембе ули аськолкснень тя кизефксть эса.
Мордовияса СВО-нь участникненди и синь семьяснонды касфтф-кочкаф эффективнай кирдемань система. Мордовиясь васенцекснень ёткса ушедсь покодема меки саф тюрихнень диспансеризацияснон коряс. Мордовиянь райоттнень эса фалу ётафневихть СВО-нь участниконь Шит. «Кажнай семиять лангс тиф социальнай паспорт, синь мельгаст сотфт ответственнай ломатть. Эрязста сувафтфт тя тевти доброволецне – семботь мельге минь внимательна ваттама», - мярьгсь Мордовиянь Оцюнясь.
Республиканскяй уровеньса примафт эрь кодама дополнительнай кирдемань мерат, синь ётксост: питнефтема андома школаса, военнослужищаень идень лагерс путевкат, очередьфтома тядяснон-аляснон медицинскяй и социальнай обслуживаниясна, СВО-нь участникнень семьяснонды налоговай льготат.
Кода китькстазе Галина Лотванова, Соцзащитань Министерствань покодихне и социальнай организаторхне покодихть теснай контакстса, эвондакшни кизефксне вишкста мушендыхть решения.
Федеральннай пандоматнень коряс эвондаф ситуациятне регулировандавихть Минобороныть мархта, Республикань Оцюнясь контактса ведомствать представителензон мархта.
Совещанияса корхтасть СВО-нь участникнень интерезснонь кирдемань коряс региональнай и феральнай структуратнень марс покодемаснон колга.
Мордовия Республикань Оцюнять пресс-службац