Кафта кизода инголе компаниясь панчсь Саранскяйса дилерскяй центра техникань мишендемать и обслуживаниять коряс. Тяниень пингть предприятияса покоди 130 ломань малава.
Од направлениясь, конанц тонадозе компаниянь импортозамещениять видеса, – спецтранспорт эрь кодама службанди и эряфонь сембе направлениятненди.
Артём Здунов ванозе техникать, конац тиф здравоохранениянь учреждениятненди, образованиянь, ЖКХ-нь предприятиятненди и строительствати – тя реанимацият, курок лезксонь машинат, автобуст социальнай службань автобуст, автовышкат, погрузчикт и лият.
Мзярошка компаниянь разработкатне эсь лацоннет. Кепотьксонди, школьнай автобузсь пяшкотьф сембе эрявиксть мархта идень сетьме и цебярь арфтомати. А штоба пингсь ки лангса ётнель польза мархта, салонса ули экран воспитательнай и патриотическяй контент мархта.
ООО «Акросс»-ть исполнительнай директороц, ООО «Луидор»-ть гендиректороц Сергей Гусев педа пес азондсь тяфта жа тяниень пингонь автолавкатнень и ограниченнай возможность мархта ломаттнень усксемс автомобильхнень колга. Сембе марса компаниясь максси фкя пяле тежяньда лама спецтранспортонь модификация.
Мордовиянь оцюнясь макссь питне и сервиснай боксненди, коса кафта кизот мольфтеви техникань обслуживаниясь. Кепотьксоньди, компаниясь ётафни Саранск ошень общественнай транспортонь подвижнай составть петеманц.
Мордовия Республикань Оцюнять пресс-службац