Мордовиясь сувась АСИ-нь пилотнай региоттнень лувксс, коса тиф сервиснай уполномоченнаень институт. Тя специалисттне заняфт эряфонь палас повф ломаттнень прябаласнон решандамаса. Пилотнай проектть рамкаса ломанти ули кода получамс од квалификация исправительнай колонияса и, лисемок тоста, эстокиге лисемс работама.
Светлана Чупшева спасибась Мордовиянь Оцюняти Национальнай социальнай инициативань проекттнень лангс мялень шарфнеманкса и китькстазе, што марстонь вийса ули кода сатомс оцю результатт. Эряфонь палас повф ломаттнень эрфонь киснон арьсемаснон-ладямаснон коряс заняфт пцтай колмогемонь регионць, Мордовиясь синь лувкссост. Тя разнай ситуацият — колонияста лисемда меле трудоустроендамась, стака урмада, кепотьксонди, окологияда меле реабилитациясь, ширень кирдема сятненди, кие повсь кудонь насилиять алу и стак тов. «Тунда ушедсь образовательнай курс сервиснай уполномоченнайхненди, ноябрьста минь тихтяма результатт», - азозе Светлана Чупшева. - Шять, улихть примафт дополнительнай нормативно-правовой актт региональнай и нльне федеральнай уровеньца.
Артём Здунов лятфтазе, што республикать территорияса лама исправительнай колонияда, коса ащи несколька тёжятть ломань. Мордовиянь Оцюнясь китькстазе тя темать социальнай эрявиксшинц, азондсь республикать опытонц колга исправительнай центрань тиемать коряс. «Тя ломаттне рана или поздна мрдайхть обществати. Аф сяда тёждя ли анокламс синь профессиональнайста и максомс путевка сяда товолдонь эряфс? Миньцонк ули возможность ладямс тонафнемаснон УФСИН-тса, улихть предприятият, конатненди эрявихть квалифицированнай рабочай кятть».
Круглай шрань участникокс арасть АСИ-нь эксперттне, региональнай кабминонь представительхне, тяконь лувксса соцзащитань организациянь, региональнай сервиснай уполномоченнайсь, работань максыень объединениять представителенза, Мордовиянь Общественнай палатань представительхне. Корхтамаса активнай участия примассь МР-ть эзга УФСИН-ть начальникоц Леонид Мустайкин.
Мордовия Республикань Оцюнять пресс-службац