«Бессмертный полк онлайн» проектсь омбоце кизось мельцек няфнесы эстеенза оцю вешфксть. Заявкань примамати ушеткс путфоль кафта недяляда тяда инголе, и тя пингста мелянь 2,5 миллионда лама анкетати поладсь нинге 800 лама анкета.
Акциять ширенц кирдезе СССР-нь Народнай артистть, Россиянь Бессмертнай полкть Центральнай штабонц Сопредседателенц Василий Семенович Ланавоень удавац — РФ-нь Народнай артисткась Ирина Купченко, а стане жа Россиянь Народнай артистсь Олег Газманов, театрань и кинонь актерсь Игорь Петренко и певицась Полина Гагарина.
Меля трансляциясь мольсь 20 суткада ламос. Тядде партнерхнень вельде трансляциясь явови региоттнень еткова, и эрьсь няйсы эсь ветеранонц именна ся ошса, коса сон шачсь-кассь.
Тядде башка мяль шарфтови кибербезопасностти, а стане жа получави заявкатнень модерированияснонды. Сянкса, штоба полковой колоннатненди афольхть пов преступникне работайхть 12 тежяньда лама модератор — тя Россиянь Бессмертнай полкть, «Волонтеры Победы» движениять и лия общественнай организациятнень эзда доброволецт, а стане жа Сбербанкть нейросетец.
Модераторхне перясть ни ки Бессмертнай полкти нацистскяй преступникнень портретснон сувафтомаснонды. Ся ломаттнень колга информациясь, конат тяряфтсть тиемс тя равжай тевть, максф Следственнай комитету. Лятфтасаськ, што тядде вийс сувафтф закон нацизмать кеподеманкса уголовнай ответственностть колга.
Трансляциясь етафтови странань сембе региоттнень эса 9 майста, ушеды 15.00 частса. Ваномс сонь ули кода 2021. polkrf.ru, Вконтакте и «Одноклассники» социальнай сетьтнень эса, телеканалхнень эса, а стане жа ОККО, IVI.RU, MORE.TV онлайн кинотеатратнень эса и Смотрим.ру. Платформаса.
Кизефкснень коряс ули кода гайфтемс 8 (800) 20-1945-0 телефонц коре.
Проектть аноклаец: «Бессмертный полк России» ООД-сь. Проектть партнеронза: Сбербанк ПАО-сь, «Волонтеры Победы» ВОД-сь.
Трансляцияти поладомать коряс: Алексей Смиронов, 8-916-382-46-33.