26 декабрьста Чамзинкань аймакса улемстонза Артём Здунов ванозе лофцть переработканц коряс заводть строямань площадканц. Сонь виец кармай 400 тонна суткаста. Од инвестпроектть питнец 3,7 миллиард цалковай, эряфс ётафтыец «Хорошее дело» компаниянь группась.
Молокозаводсь строяви Комсомольскяй посёлкать маласа. Тяса арьсекшневи нолямс 15 тонна мичке и 10 тоннат мороженай эрь шиня. Проектть эряфс ётафтомац ушедовсь тядде, лисемс проектнай вийс арьсекшневи 2024 кизоть самс. Од объектсь максы Чамзинкань аймакти 400 од покодема васта.
Арьсемас коре МР-нь консолидированнай бюджетти предприятись эрь кизоня кармай паннема 193 миллион цалковай, мзярда лиси сембода оцю вийс.
Сергей Сиушов, «Хорошее дело» агрогруппать директоронь советонц председателец, азондозе региононь вятити, што производстваса мичконь, мороженаень и лофцонь продукциянь анокламста кармайхть нолявома тевс автоматизированнай европейскяй технологиятне. Тяниень пингть объектса эрьгавста вятевихть строительно-монтажнай работатне.
Мордовия Республикань Оцюнять пресс-службац