Башка мяль шарфтфоль сянди, кода районць пяшкотькшнесыне республикань Оцюнять поручениянзон васендакиге – муниципальнай образованиять эсь доходонзон касфнемаснон коряс. «Штоба касфтомс налогооблагаемай базать, минь тиеме инвентаризация аф регистрировандаф объекттненди хозяйственнай оборотти синь тевс сувафтоманкса, - азозе Харис Якуббаев. – Муф апак регистрировандак 802 индивидуальнай куд, 1305 модань участка, аф оформляндаф 83 производственнай объект. Стане ж аминь тиеме переоценка очистной сооружениятнень питнеснонды. Арендать питнец кизоста кассь 9-крда – 20 миллион цалковайс».
Совещанияса ванфоль, кода Инсарскяй районца мольфтеви национальнай проекттнень пяшкотькшнемасна, тяконь лувксса кинь строямать, территориятнень петемаснон-мазоптомаснон, аварийнай эряма вастста ломаттнень ётафтомаснон, ЖКХ-ть одкстоптоманц, велень территориятнень комплекснайста виияфнемаснон коряс.
Райононь оцюнясь эняльдсь максомс ширень кирдема муниципальнай образованияти поликлиникать петемаса и коммунальнай техникань рамамаса.
Мордовия Республикань Оцюнять пресс-службац