Кабельнай промышленностень кельгома покодихть! Поздравляндатядязь тинь профессиональнай илантень мархта!
Ся продукцияфтома, кона ноляви отрасляса тячи, аш кода арьсемс странань и миронь покодемань фкявок ширеть – тя и нефтегазовай комплекссь, атомнай станциятне, связень систематне и ламось лиясь. А сяс тинь профессиянтенди фалу кармай оцю вешфкс.
Кабельнай отраслянь предприятиятне – Мордовиянь промышленностть гордостень маряма вастоц и инголи вятиец. Кабельнай кластерсь лац виияфневи республикаса 2000 кизоста сявомок и тячи ащи Россияса отраслянь инь оцю секторкс.
Мордовиянь кабельщикне ащихть васенце вастса ламоц показательхнень коряс, тяконь лувксса покодема вастонь панчсемать и заработнай платать лувксонц коряс. Касондоманкса-вииякшнеманкса од кит панчси цифровой экономикать тиемац. Цифровой связсь эряви пачфтемс образовательнай учреждениятненди, больницятненди, администрациятненди. Предприятиятнень эса арьсекшневи ётамс пяшксе циклань технологияти – омба масторонь сырьёсь кармай полафневома отечественнайть мархта.
Тячи кабельнай промышленностьса покодихть оцю квалификациянь специалистт, тевонь содай вятихть, конат сувафнесазь тевс тяниень пингонь производственнай решениятнень.
Кеман, профессионализмантень вельде кабельнай предприятияньконь продукциясна кармай сядонга пяк кемокснемонза конкуренциянь кирнеманц кода эсь странань рынкаса, стане и омба мастороннеса.
Седи ваксста арьсян отраслянь покодихненди кеме шумбраши, сатфкст и цебярь эряф!