Фкя выставочнай стендть лангса минь республиканеке няфни 13 компаниянь паршихть: «Оптикэнерго» и «Сарансккабель» компаниянь пуромксть кабельнай продукциянц, «Лодыгинонь лемса Научна-исследовательскяй валдонь источниконь институтть» и «Рефлакс-С» предприятиятнень светотехническяй продукцияснон, «Лато» строительнай отраслять предприятиянзон продукцияснон, «Виолет» и «Плайтерра» компаниятнень продукцияснон.
Ярхцамбялень отраслять няфтезь халяльнай продукция мархта компаният: «Карпай» – рястаф шиньжаромань видьмонь нолдайсь и «РТР-Групп» обществась – колбаснай изделиянь и сивольста деликатесонь нолдайсь. Стендса тяфта жа няфтьф текстильнай промышленностень продукциясь –«Arianna» компаниять, и лопафт тумоста эсь лацонь продукциясь – Мордовиять визитнай карточкац. Мзярошка компания ноляйхть премиальнай казнет и сувенирхт лопафтф тумоста и натуральнай кевста, тя «Ростр», INCRUA и MORWOOD компаниятне.
Сембе стендса няфтьфт предприятияне ноляйхть паршихть, потенциальна интереснайхть исламскяй миронь государстватненди, ламоцнень мархта уже ладяфт лац ащи поставкат, но улихть перспективат экспортонь келептемати.
Фкясь тяфтама компаниятнень ёткста ТПК «Верстакофф» - промышленнай мебелень и инструментонь ванфтомань системань вяти производительсь. Компаниясь ноляй оборудования петеманди, мобильнай ремонтнай комплекст, автоматизированнай складт и сварочнай шрат, конат полафтозь импортнай производствань аналокнень. Предприятиять основной мощностенза ащихть Краснослободскяйса «Промметизделиянь Заводса», тяфта жа компаниянь 10 филиалхне ащихть странань инь оцю ошнень эса.
Форумса компаниясь няфтезе эсь лацонь разработкать МАЗ белорусскяй нолдайть шассинц базаса – передвижной петемань мастерской. Сонь ули кода нолдамс тевс велень хозяйстваса, кинь строямаса, а тяфта жа СВО-нь зонаса. Тяфтама якай мастерскойхть макссевихть аварийнай службань сервиснай бригадатненди и техпомощьти сяда цебярь покадеманди.
Мордовиянь оцюнясь макссь питне оборудованиять техническяй возможностенцты и мастерскоень сембе приспособлениятнень эргономичностьснонды. Ваномать пингста ульсь китькстаф, што тяфтама оборудованиянь тевс нолдамась лезды тиемс агрегатонь и инженернай сетень педа-пес петема сервиснымай бригадатнень мархта любой объектса. А ванфтомань систематне лездыхть ванфтомс и кувалгафтомс инструментть и оборудованиять мархта покодемань пингть. Ноляви продукциять цебярь качествац, покодемаса лац шарьхкодеви шиц и цебярь питнентне уже лездсть предприятияти няфтемс прянц кода государственнай организациянди и частнай предприятиянди Россияса и аф аньцек поставщикокс.
«Россия – Исламский мир: KazanForum» XV Народъётконь экономическяй форумть площадкаса корхтавсь «Верстакофф» компаниянь продукциять поставкань возможностть колга исламскяй миронь странатненди.
Мордовия Республикань Оцюнять пресс-службац