«Минь территориянь комплекснай вииямань-касомань адептама – тя минь странанеконь марстонь политикац. Ламоц направлениятнень коряс Мордовиясь лувондсы эсь прянц пилотнай регионкс, - азондозе Артём Здунов. - Тейнек важна, што республикаса сявондевихть точнай, афпротиворечивай даннайхть – синь эрявихть россиянь и омба масторонь инвесторхненди. И, конешна, национальнай пространственнай даннаень системась тяниень пингть пяшксе объемса ноляви эряфс Мордовияса».
Республикань руководительсь азондсь регионтть цебярь опытонц колга. Республикась пцтай марнек тусь кагодонь документооборотть эзда - тяниень пингонь режимть эса даннайхнень няйсазь финансовай оргаттне, инвесторхне и вандыень застройщикне. Тя лезды аф аньцек лац строямс, но и примсемс строительнай объектт, няфнемс синь инвестиционнай парашиснон.
Мордовияса аноклаф мзярошка площадка территориянь касомс-вииямс комплекна. Тянь лемс российскяй и народётъконь стандарттнень коряс тиф сембе нормативна-правовой базась. Тяда башка, ули реальнай питнень преимущества регионса строительствать эса.
Тяни покодемаса ащихть КТР-нь кафта проект, конат лисемста максыхть мзярошка тежянь эряма вастонь которые на выходе дадут несколько десятков квадратнай метрат. Ульсь китькстаф, што эрь строительствать пингста республикаса максеви ванф социальнай инфраструктурати: больницятненди, поликлиникатненди и школатненди, и, конешно же, спортонь объекттненди. Артём Здунов китькстазе, што республикаса инь цебярьхнень эзда фкясь спортивнай инфраструктурась: инголи моли меркатнень коряс BMX-спортонь центрась, лыжна-биатлоннай центрась, цебярь хоккеень и фигурнай катаниянь базась.
Тяфта жа перспективаса – комплекснай застройкась Мордовиянь столицать котоце микрорайонса. Территориясь мала футбольнай стадионтти. Проектсь арьсеви ётафтомс эряфс Дом.РФ компаниять мархта. Республикать тяниень пингть ули нужац аренднай эряма вастса: ули няевикс касома промышленнай производстваса, нолявихть эрявс оцю инвестпроектт. Тя сембось вещи лама эряма васта од специалисттненди.
Артём Здунов пшкядсь потенциальнай омба масторонь инвесторхненди и застройщикнеди: «Тердттядязь
марс покодема, строяма минь республикасонк. Минь макстама инь надежнай инвесторонь прават, инь цебярь нормативнай базать и модань участкатнень».
Доклад мархта тяфта жа выступандасть исламскяй миронь странань представительхне, синь корхтасть архитектурань и строительствань сфераса опытснон колга, ошень касомань-вииямань и инфраструктурть, ошень средать качестванц касфтоманц колга.
Мордовия Республикань Оцюнять пресс-службац