ПФО-ть эзга Россиянь Культурань министерствань Управлениять руководителец спасибась республикань Оцюняти регионца тя темас коре семинарть-совещаниять ётафтоманкса. Мордовияв пуромкшнесть представительхть ПФО-нь 13 регионцта, Дальневосточнай, Южнай и Северо-Кавказскяй федеральнай окрукнень эса РФ-нь Культурань министерствань территориальнай управлениятнень руководительсна.
Мордовиянь Оцюнясь азозе, што культурнай наследиянь объекттнень ванфтомаснон мархта сотф кизефксненди шарфневи башка оцю мяль, и кепотьксонди ляфтась Саранскяйса Московскяй ульцяса Трехсвятительскяй храмть зданиянц, коса лама пинге ульсь республиканскяй краеведческяй музейсь, Русскяй православнай церькавти максоманц.
Васедемаса ванфтольхть тя сфераса сяда товолдонь марстонь тевонь вятемань ширетне. Сембоц Мордовия Республикать территорияса лувондови культурнай наследиянь 1290 объект, конат ванфтовихть государствать мархта, эздост 97 объектсь — федеральнай значенияннет.
Мордовия Республикань Оцюнять пресс-службац