22 апрельста Республикань Кудса Мордовиянь Оцюнять Артём Здуновонь председательстванц ала ётась республиканскяй Антитеррористическяй комиссиять и Мордовия Республикаса Оперативнай штабть марстонь заседаниясна.
Фкя инь эрявикс кизефкссь шинь повесткаса лемтьфоль маень праздникнень ётафтомста безопасностть обеспечендаманцты. Массовай пуромкснень ётафтомаснон пингста противоправнай действиятнень тиемаснон инголдамаснон лангс шарфтф оперативно-профилактическяй мератнень комплексснон азоманц колга корхтасть региональнай МВД-ть и Росгвардиять Управлениянц представительсна. Шарфтфоль мяльсь сянь лангс, што силовой ведомстватнень сотрудниксна путф задачатнень пяшкодемаснонды анокт. Маластонь шитнень синь ётайхть службань кандомань виияфтф режимти. Маень праздникнень общественнай порядкать ванфтома кармайхть Мордовия Республикать коряс внутренняй тевонь органонь и Росгвардиянь Управлениянь 2500 лама сотрудник.
Башка мяль шарфтфоль республикать территориянц лангса ащи транспортонь объекттнень антитеррористическяй араламань уровеньцнон кеподеманц коряс мератненди,
«Граждаттнень усксемаснон пингста безопасностть обеспечендамац веши оцю мялень шарфтома. Эряви ладяф пингста эряфс ётафтомс транспортнай безопасностень сфераса законодательствать вешфксонзон пяшкедемаснон коряс мератнень марнек комплексснон», - китькстазе МР-нь АТК-ть председателец Артём Здунов.