16 июльста РФ-нь Правительствать Председателец Марат Хуснуллин и Мордовиянь Оцюнять аф лама пингс тевонзон тиендисна Артём Здунов ульсть Саранскяень и Рузаевкань жилищнай и дорожнай строительствань кой-кона объекттнень эса. Тяконь лувксса рабочай группась ванозе Тысячелетиянь площадьса педа-пес апак строяк универсальнай залть – лятфтасаськ, Россиянь Правительствась примась решения нолдамс строяманц шумордаманкса 851,8 миллион цалковай.
Стане жа вице-премьерсь и Мордовиянь Оцюнять аф лама пингс тевонзон тиендисна ванозь Саранскяйса Волгоградскяй ульцять и Кочкурова вели моли кить еткса 3,4 и 5 микрорайоттнень эса лама этажса куттнень строямаснон, корхтасть жилищнай строительствать стимулированиянц коряс программать эса республикать участвондаманц колга, кона максы обеспечендамс социальнай и коммунальнай инфраструктурань объектса, а стане жа автомобильнай киса од микрорайонть.
Тяда башка Марат Хуснуллин и Артём Здунов ванозь, кода мольфтеви республикаса китнень строямасна, тяконь лувксса Рузаевка ошть обходоц.
Мордовия Республикань Оцюнять пресс-службац