Мордовияса 18 мартста ётасть мероприятият, конат лемдевсть тя эрявикс историческяй событиять кемонь кизонц топодеманцты. Саранскяйса Эень дворецть маласа ётафтовсь праздничнай концерт, кона лемдевсь Крымть и Севастопольть Россияв сувамаснонды. Концертс састь эрь кодама отраслянь покодиень коллективонь, общественнай организациянь, студенчествань представительхть – сембоц пцтай 5 тёжятть ломань. Сембонь пуроптозень марс кемошись, марстоньшись и кельгомась Родинати.
«Кельгома землякт! Тячи минь кочкавоме тяза, штоба кирдемс минь тядяньконь-Россиять. Ётась 10 кизот, кода Крымсь и Севастопольсь мрдасть шачема шири. А мзяра кизот минь тюреме инксост! Мзяра эряф макссть минь земляконьке, минь соотечественниконьке. Лятфтасть историять, Великай Отечественнай войнать. Тячи Новороссиясь, Донбассь – синь инксост шудефтеме лама верда. Мзяра цебярьда минь тоса тиеме, мзяра кяж минь тяни тоса сяськтяма! Минь кочкавоме тяза, штоба кирдемс минь Президентоньконь. Кельгома земляконьке, ёран азомс теенть оцюдонга-оцю сюкпря лезксонтень инкса кочкаматнень пингста. Минь кельгозь и лямбоста шарфттама мяль странаньконди, кирьдсаськ боецоньконь, конат тячи окопсот, кирьдсаськ синь семьяснон. Тя минь пуроптомазь марс, тя минь крёзоньке. Тячи ушедсь Оцю постсь. Оцю постста минь бороцятама эсь старстеньконь, эсь лафчашиньконь мархта и фалу сяськонттяма. И тянивок Россиясь сяськи. Россиять инкса, Владимир Владимирович Путинонь инкса!» - азозе Мордовиянь руководительсь.
«Народный фронт «За Россию» Общероссийскяй общественнай движениянь региональнай штабонь региональнай отделениянь сопредседательсь Людмила Нарбекова поздравляндазень сембе пуромфнень юбилейнай шить мархта и тердезень Сиянь веконь рузонь поэтть и художникть Максимилиан Волошинонь выставканц ванома – сон панжеви 19 мартста Эрьзянь музейса.
Боевой действиянь ветеранць, специальнай военнай операциянь участниксь Иван Михеев сюконясь земляконьконди боецонкьнь кирдемаснон инкса. «Сяськомась ули мельганк!» - азозе сон.
Мордовскяй (мокшень и эрзянь) народть Межрегиональнай общественнай организациянц председателец Юрий Мишанин китькстазе: Мордовиять и Крымть ёткса сотксне кемокснихть. «Эрь кизоня тоса ётни «Шумбрат» пяк цебярь фестивальсь. И тячи мон корхтан: «Шумбрат, Крым! Шумбрат, Россия! Шумбрат, Президент! Шумбрат, Мордовия!»
Мордовия Республикань Оцюнять пресс-службац