Великай Отечественнай войнать пингста Мордовиянь ломаттне няфтсть героизма фашистскяй захватчикнень эзда Белоруссиять воляс нолдамста. Войнань кизотнень республикась арась омбоце родинакс Белоруссиянь ламоц ломаттненди: Мордовияв эряма Белорусскяй ССР-ста ётасть пцтай 10 тёжятть ломань.
Великай Отечественнай войнань событиятне, минь соотечественниконьконь подвигсна сембе пингс лядыхть поколениятнень мялямса и кармайхть сотксокс Россиянь и Белорусень нароттнень ёткса.
Тячи Мордовиянь представительхне ульсть Великай Отечественнай войнань историянь Белорусскяй государственнай музейса.