Мордовиянь Оцюнять мархта зарядкас лисендсть од спортсметтне, спортонь мастерхне, чемпиоттне, тренерхне, эряфкшу ломаттне.
Артём Здунов спасибась сембе пуромфненди физкультурнай движениять ширенц кирдеманкса, арьсесь кеме шумбраши, спортивнай сатфкст и сяськондемат. Журналисттнень кизефксснон лангс отвечамста Мордовиянь Оцюнясь азозе, што занци пря спортонь эрь кодама видса и тиендьсы тянь пара мяльса.
«Инголи сяда оцю мяль шарфнень боевой дисциплинатненди, тяни – команднайхненди. Фалу старандан мушендомс тянди пинге. Сяда сидеста спортса пря занцянь поздна илять, работада меле. Поздравляндасайне сембонь Физкультурниконь шить мархта! Занцеда пря спортса, штоба улемс шумбракс, весялакс, эрьгавкс!» - мярьгсь республикань руководительсь.
Мордовия Республикань Оцюнять пресс-службац