«Цебярь ошень средань тиемась видеста токсесыне минь странанеконь эряензон эряфонь качестваснон. Мордовия Республикась эрязста покоди общественнай и дворовай территориятнень цебярьгофтомаснон лангса. 2024 кизоти арьсеви нолдамс эряфс 17 пространства «Формирование комфортной городской среды» проектть коряс. Эряви сяда тов тиендемс эряйхненди цебярь и сетьме ваймаманди вастт. Территориятнень цебярьгофтомасна лездыхть ошнень и лия эряма васттнень касомаснонды вииямаснонды»,- мярьгсь Россиянь Минстройть Оцюняц Ирек Файзуллин.
Росстатть даннаензон коряс, 2024 кизоть васенце ковста Мордовияса ульсь сувафтф 39,7 тежянь кв. метра эряма васта: 10,1 тежянь кв. метрась МКД-са и 29.6 тежянь кв. метрась – индивидуальнай жилищнай строительствась.
Ульсь китькстаф, што тя кизоть регионса «Стимул» программать потмоса арьсеви строямс ниле
автомобильнай кит, канализациянь система и водоснабжениянь объект. «Чистая вода» федеральнай проектть потмоса мольфтеви Краснослободскяйса водоснабжениянь системань строяма. Мордовиясь тяфта жа эрязста нолцесы эряфс аф пчкяй эряма фондтть эзда ломанень ётафтома программать – 2019 кизоста 86,96 тёжянь. кв. метрань эряма вастста ульсь ётафтф 5 тёжяньда лама ломань.
Артём Здунов китькстазе, што президентскяй нацпроектнень и Россииянь Минстройть программанзон вельде республикати ули кода нолцемс эряфс лама эрявикс проект, конат тиендсазь ломатнень эряфснон сяда цебярькс.
«Этай кизоть минь пингта инголи аделаськ аварийнай эряма вастста ётамать коряс программать, касфтынек республикаса строительнай объепнень, кирьфтайнек аф аделаф строямань объектнень числаснон. Шарфнетяма сяда оцю мяль градостроительнай планированияти – карматама панчсема од территорият, конатнень эряви касфнемс-виияфнемс комплексна – цебярь инфраструктурань тиемаста сявомок - социокультурнай объектса топафтомазост», – мярьгсь Мордовиянь Оцюнясь.
Мордовия Республикань Оцюнять пресс-службац