Мордовиянь Оцюнясь Артём Здунов ётафтсь регионца государственнай и муниципальнай закупкатнень системаснон виияфтоманц кизефксонзон коряс совещания Правительствать членонзон мархта.
Республикань Оцюнясь китькстазе тя сфераса эффективнай работать тиеманц эрявиксшинц. Лама тифоль 2021 кизоня, тяконь лувксса ётафтф закупкатнень централизацияснон коряс работась. «Тянь вельде ульсь кода обеспечендамс государственнай средстватнень сяда эрявиксста тевс нолямаснон и экономиять, - мярьгсь Артём Здунов. - Абсолютнай экономиясь кассь пцтай колмоцекс пялькста. Тя пяк эряви, сяс мес госзакупкатнень системаснон эзда ащи, тяконь лувксса, и нацпроекттнень эряфс ётафтомасна».
Республикать закупкатнень системасонза афсатыкста нинге аф кржа, сянь колга, кода мольфтевсь работась меля, пачфтсь закупкатнень организацияснон Региональнай центранц од руководителец Иван Мысенко. Сон шарфтсь мяль закупкатнень конкурентнай способснон тевс нолямстост конкуренциять ёмла уровененц, апак тик закупкатнень оцю уровеньцнон лангс. Тяда башка, регионца экономиять процентоц - странать коряс средняйда ёмла.
Совещанияса ванфтольхть министерстватнень и закупкатнень организацияснон региональнай центраснон ёткса кирдеви соткснень цебярьгофтомаснон и кемокстамаснон коряс предложениятне, мезсь лезды тиемс модернизация системать работанцты.
Мордовия Республикань Оцюнять Пресс-службац