16 декабрьста Москуса Мордовиянь Оцюнясь Артём Здунов васетькшнесь культурнай инициативань Президентскяй фондть генеральнай директоронц Роман Кармановонь мархта. Корхтафоль сай кизоня регионть культурать коряс проектонзонды грантовай лезксонь максомать колга.
Лятфтасаськ, культурнай инициативань Президентскяй фондсь пуроптф 2021 кизонь май ковста государствань Оцюнять Владимир Путинонь Указонц мархта, штоба кирнемс культураса и искусстваса проекттнень ширеснон.
Тядде Мордовиять эзда 20 проектсь арасть сяськикс конкурсса, сатсть 22 миллион цалковаень лувксса лезкс. Тяконь лувксса грантт сатсть «Ёмла художественнай альтернативнай театрик» театрась-студиясь, «Од веле» велетнень виияфнеманкса региононь общественнай организациясь, «Эрьмезь» Тавлань мастеронь Союзсь, культурань районнай центратне.
Мордовия Республикать сай кизонди заявказонза сувафтовсть 39 проектсь, ётксост — аф фкя лацонь театральнай и музыкальнай фестивальхть, лия пуромкст. Васедемать пингста корхтафоль фондть мархта соткснень кемокснемаснон колга.
Мордовия Республикань Оцюнять пресс-службац