Мордовиянь Оцюнясь корхтась «Семья» нацпроектть касомань-вииямань кизефксонзон колга Ольга Баталинать мархта

Мордовиянь Оцюнясь корхтась «Семья» нацпроектть касомань-вииямань кизефксонзон колга Ольга Баталинать мархта

1 апрельста  Москуса ётась Мордовиянь Оцюнять Артём Здуновонь и Россиянь социальнай араламань и покодемань Министрть Васенце полафтыенц Ольга Баталинать мархта покодемань васедема. Корхтамась мольсь сянь колга, кода Мордовияса моли национальнай проектонь эряфс ётафтомань тевсь. Синь ётксост «Семья» од нацпроектсь. Лятфтасаськ, сон ушедсы эсь тевонц сай кизоть Президентть Владимир Путинонь инициативанц коряс и  кармай шарфтф семьянь питнишинь кирдемать и касфтомать-виияфтомать лангс, павазу и шумбра семьянь появамати  цебярь условиянь тиемати. Тя проектть эряфс ётафтомац сядонга пяк эряви региоттненди, коса 2022 кизоне шачемань коэфицентсь ульсь среднероссийскяйда ёмла – синь ётксост и Мордовиясь. 

Васедемаса примасть участия  РМ-нь Правительствать Председателенц Васенце полафтыец Галина Лотванова и РМ-нь населениянь занятостень и покодемань, социальнай араламань министрсь Игорь Князьков.

Мордовия Республикань Оцюнять пресс-службац