Республикань Оцюнясь китькстазе, што тяниень пингть, мзярда странаньке васедсь западнай странатнень тейнек каршек ащемаснон мархта, эряви аф нолдамс историять фальсификациянц.
«Важна, штоба минь од ломаненьке содалезь сянь, мезе ульсь лама кизода инголе, штоба ванфневоль историческяй видешись, а тянкса эрявихть содамошит», - мярьгсь Артём Здунов.
Дескуссиянь участникне састь фкя мяльс, што ётаф кизотнень историческяй просвещенияти ашезь шарфнев сатомшка оцю мяль. Россиянь историянь кафедрать заведующаец Виктор Арсентьев, отмечазе, што нльне «Об образовании» законть эса тяфтама шарьхкодема, кодама патриотизма, эвондась аньцек 2021 кизоня.
«Да, лама кизоньберьф тейнек вихцода тонгондовсть западнай питнешитне, но тяни видешись содавсь». – мярьгсь Мордовиянь Оцюнясь.
8№ рузаевскяй школань историянь и обществознаниянь учительсь Виктория Богдашкина азозень эсь мялензон-арьсеманзон Россиянь просвещениянь министрть Сергей Кравцовонь инициативанц коряс, коса азови школатнень эса 1 класста сявомок историческяй образовательнай компонентть сувафтоманц колга.
Республикань Оцюнясь согласиндась сянь мархта, што школьнай образованиясь занци оцю васта ломанть воспитандамаса, сонь государственнай и социальнай идентификациясонза.
Артём Здунов кирдезе кой-кона предложениятнень ширеснон, конатнень азозь круглай шрань участникне. Синь сотфтольхть социогуманитарнай дисциплинатнень вятемаснон мархта, тяконь лувксса отечественнай историять тонафтомаса региональнай компонентть виияфтоманц, научно-практическяй конференциянь ётафнемать. Сёксенда ни Саранскяйса Мордовиянь Оцюнять патронатонц ала ётафтови «Гордость моей Родины» школьникнень и студенттнень ёткса исследовательскяй работань республиканскяй конкурс.
Стане жа республикань руководительсь эняльдсь Мордовскяй госуниверситетонь преподавательхненди поладомс «Страна героев» военно-историческяй лагерень федеральнай проектти. Лятфтасаськ, што Мордовиясь сувась вете российскяй региоттнень лувксс, коса тя кизоня пуроптовихть-ётафтовихть военно-историческяй ширес коре колма сменат иттненди ваймосеманкса.
Мордовия Республикань Оцюнять пресс-службац