Панжемок васедемать, Артём Здунов поздравляндазень военкоматонь покодихнень профессиональнай иласнон мархта, сюконясь Родинати максф тевснон инкса. "Минь мархтонтт - фкя команда, фалу лезнетяма фкя-фкянди, сяс мес служатама государствати, - азозе региононь Оцюнясь. - Сюконян военкоматонь покодихненди, кие уленди СВО-нь зонаса, максси лезкс передовойса ащи цёраньконди, покодихть синь семьяснон мархта".
Ётай кизоть Мордовияста кучфоль 1,5 тёжяньда лама од ломань - синь служайхть сембе войскатнень эса - Калининграста сявомок Владивостоку молемс. Кода китькстазе Артём Здунов, 40 % минь призывниктонк прважафт Вооружённай Виень элитнай части. Мордовияста 500 лама курсант тонафнихть высшай военнай тонафнема вастса. Сембось тя - касы поколениять мархта патриотическяй работань ётафтомась, юноармейскяй движениятнень, кадетскяй и казачай класснень касомасна-виияфтомасна.
Лама кизоста лац покодеманкса республикань военнай комиссариатонь покодихненди максфтольхть казнет. Республикань военнай комиссарсь Игорь Тихомиров сюконясь Артём Здуновонди коммисархненди оцю мялень шарфтоманса и эрявикс оборудованиянь рамамс ярмаконь максоманкса, петемань работань ётафтоманкса, военкоматтнень антитеррористическяй араламань максоманкса.
Васедемаса ванфтольхть Мордовиянь военнай комиссариаттнень работаснон ётай кизонь итокне, призывной кампаниянь ётафтомась, а стане жа сяда товолдонь сотксне республикань властень оргаттнень мархта.
Мордовия Республикань Оцюнять пресс-службац