23 апрельста Саранск ошень Мемориальнай калмотнень лангса ётась «Международный субботник» мялямонь патриотическяй акция. Акциясь пуропнесыне марс Россиянь сембе ошнень, маластонь и ичкоздень омба масторонь странатнень и водендаф мялямонь васттнень и воинскяй калмотнень благоустройстваснонды.
Субботникса примасть участия Мордовия Республикань Оцюнясь, «Единая Россия» партиять региональнай отделениянц секретарец Артём Здунов, депутатскяй корпусть представителенза, «Победань Волонтерхнень», «Единай Россиять» Молодой Гвардиянц», «Поиск» патриотическяй объединениять, «Зеленый мир» идень экологическяй организациять активистонза.
Мемориальнай калмотнень калмоснон башка пялькссна ащи воиттнень калмомарснон эзда. Тяса калмафт Великай Отечественнай войнань участникне, конат кулость стака ранатнень эзда Саранскяень госпитальхнень эса. Тиемс порядка Великай Победань праздниконь каршеня – шавф боецненди уважандамань шумоть максомац, эрявикс тев поколениятнень ёткса преемственностти, историческяй мялямть ванфтоманцты.
Мордовия Республикань Оцюнять Пресс-службац