Мордовиянь Оцюнясь ванозе Дубёнкаса пичень касыксонь касфтомань коряс предприятиять работанц

Мордовиянь Оцюнясь ванозе Дубёнкаса пичень касыксонь касфтомань коряс предприятиять работанц

Дубёнскяй районца Мордовиянь Оцюнясь Артём Здунов ульсь "Агро-Дубёнки" вирень анокламать коряс предприятияса. Компаниясь покоди 2005 кизоста сявомок, 2022 кизоня тиевсть няевикс полафткст - тяса эряфс нолдаф  пякстаф юронь системань пичень касыксонь касфтомать коряс проектсь. Предприятиять директороц Александр Толайкин пачфтезе региононь руководительти, што тя проектть видеса строяф проектнай теплица кизоти касыксонь 1,2 млн мощностьса. Касфтф касыкснень объёмсна аф аньцек сатомшка Мордовияти, но и сатыхть мимс лия региоттненди. Тяфтама задача производительхнень инголи сядынголе путнесь регионть руководителец. Аньцек ётай кизоть тевс нолдафоль 150 тёжянь пичень тяфтама касыкста. Предприятиясь пяшкодьсы производствань пяшксе циклать - товонь кочкамста и озафтомста керомаснонды, тиемаснонды и тевс нолдамаснонды. Мода вастса 16 тёжянь гектаронь площадьса компаниясь мольфти аф лоткафневи процесс пичень касфтомаса и керомаса. Предприятиять планцонза - ладямс кедрань, туянь, сялги и валда сенем  кузонь касыксонь касфтомать. 

Стане жа предприятиясь 2023 кизоня рамась алксонь тиемс автоматизированнай линия, мезть мархта шарфтсть мяль низкотоварнай шуфтть шарфтоманцты и максомс райононь эряйхненди сядонга лама покодема вастта. Ётай кизоть предприятиясь аноклась круглай вирень 2 тёжятть кубометра, эряфс нолдась пиломатериалонь 690 кубометра. Стане жа компаниясь ушедсь аноклама и мишендема алкст и керсеф пенгат. Александр Толайкин тяшкстазе, што тядде арьсеф шуфтонь анокламать коряс цехть строямац, производственнай объёмонь касфтоманкса. "Минь предприятияньконь курсоц - кеме, конкурентоспособнай продукциянь нолдамась и мимань од рынкань ладямась" - азозе сон. Артём Здунов кирдезень компаниять мялензон-арьсеманзон и арьсесь производственнай сатфкст.

Мордовия Республикань Оцюнять пресс-службац