Мордовиянь Оцюнясь Артём Здунов 24 ноябрьста ётафтсь васедема Россиянь спортивнай бароцямань Федерациять президентонц Михаил Мамиашвилинь мархта. Корхтафоль республикаса спортонь тя видть виияфнеманц колга.
Мордовияса покоди А.В.Мишинонь лемса спортивнай бароцямать и дзюдоть коряс олимпийскяй резервань спортивнай школа, коса тонафтови спортивнай бароцямати, каркс лангса бароцямати, самботи, киокусинкайти, каратэти, кядьса тюремати, тхэквандоти. Школав сашенды 1100 ломань, 425 спортсменть улихть спортивнай разрядсна и званиясна, 16 спортсменць – Российскяй Федерациянь сборнай командатненди суваманкса кандидатт. Эрь кизоня мокшэрзянь бароцяйхне арсихть сяськикс и призёркс народъётконь пялькстоматнень эса.
Михаил Мамиашвили шназе олимпийскяй резервань школать и азозе: Федерациясь кармай кирнемонза республикать ширенц спортонь тя видть виияфнемаса, тяконь лувксса спортонь школать материально-техническяй базанц кемокснемаса. Стане жа корхтамась мольфтевсь Мордовияса спортивнай бароцямань региононь Центрать панжеманц и республикань тонафнемань учреждениятнень эса «Спортивная борьба в школу» проектть эряфс ётафтоманц колга.
Васедемаса ульсть республикань Правительствати сувсихне, А.В.Мишинонь лемса спортивнай бароцямань и дзюдонь олимпийскяй резервань спортивнай школать вятиенза.
Мордовия Республикань Оцюнять пресс-службац