Мордовия Республикать коряс МВД-ть работанц сатфксонзон колга 2023 кизоня коррупциять каршес ащемать квалма пачфтсь МР-ть коряс ПК МВД-нь и УБЭП-нь оцюнясь Павел Чапурин. Сон китькстазе: мероприятиятне, конат кучфт коррупциянь преступлениятнень и правонарушениятнень профилактикаснонды и машфтомаснонды цебярь работать касфтоманцты, тяконь лувксса бюджетнай ярмакнень тевс нолдамаснонды и карьхцямаснонды, конат максфт государственнай и национальнай проекттнень эряфс нолдамаснонды, ётафневихть кеме сотксса Мордовия Республикать коряс Россиянь Федеральнай службань безопасностень Управлениять, Мордовия Республикань Прокуратурать и Мордовия Республикать коряс Россиянь Следственнай комитетть Следственнай управлениянц мархта. Кемоста ладяфт сотксне ПФО-ть коряс финансовай мониторингть коряс Федеральнай службань Межрегиональнай управлениять мархта. 2023 кизоня внутренняй тевонь органонь покодихне лихтсть лангти 207 коррупционнай преступления, юмафксне сатсть 324 млн. цалковай.
2023 кизоня ярмаконь сявомать коряс средняй питнесь сатсь 260 тёжятть цалковай. Ётай кизоть лангти лихтьфоль 52 сявомать коряс фактта здравоохранениянь, потребительскяй рынкань и ритуальнай услугань максома сфераса. Тяфта, пякстаф ладяф преступнай группань деятельностсь, конат ащесь руководительста и республикань ритуальнай агентствань покодиста, конат макссесть ярмак «Республиканское бюро судебно-медицинских экспертиз» ГБУЗ-нь должность мархта ломаттненди. Кепотьфт, ванфт и максфт суду уголовнай тефне 11 преступления коряс. Стане жа кепотьфт уголовнай тефне «Мордовская республиканская станция по борьбе с болезнями животных» ГБУ-нь Саранскяень лабораториянь должность мархта ломаттнень лангс.
Коррупциять каршес ащемать мяльса кирдезь антиковиднай компаниять ётафтоманц пингста кепотьфт уголовнай тефт здравоохранениянь учреждениянь должность мархта ломаттнень лангс, конат сявондсть ярмак, тяконь лувксса аф кржа, короновируснай инфекциять фиктивнай вакцинациянц инкса.
Тяда башка, 2023 кизоня суду кучф уголовнай тев Мордовия Республикань Правительствать Председателенц сядынгольдень полафтыенц и Мордовия Республикань торговлянь и предпринимательствань, экономикань сядынгольдень министрть лангс, конат ладяф преступнай группать мархта саласть ярмак 250 млн. цалковаень питнеса.
Стане жа 2023 кизоста лангти лихтьф коррупционнай ширдень 26 преступления, конань тиезь районнай уровенень, республикань велень и ошень администрациянь руководительхне. Ётафтовсь кели работа региононь промышленнай объектса и агропромышленнай комплексса, лангти лихтьфт должность мархта ломаттне, конат получсесть ярмакт Россиянь региононь коммерческяй структурань представительхнень эзда, синь мяльснон-арьсемаснон кирдеманкса поставщикнень ладямаснон коряс. Коммерческяй рамамась сатовсь 625 тёжянь цалковай. Коммерческяй рамамать коряс факттне кепотьфт республикань кой-кона предприятиятнень эса.
Коррупциять каршес ащемать коряс республиканскяй программать сатфксонзон колга пачфтсь МР-нь юстициянь министрсь Сергей Конычев. Гражданскяй служащайхнень тонафтомаснна, консультациятне и практическяй семинархне дохоттнень коряс декларациянь пяшкодемань кизефкснень коряс, государственнай рамамань сфераса квалификациянь касфтомать коряс курсатне – сембе ня мероприятиятне ётафневихть. Тяконь мархта, кода тяшкстазе республикань Оцюнясь, эряви кемокстамс антикоррупционнай правовой работать ошэряйхнень ёткса. «Престулениятнень колга информациять эряви пачфнемс ломаттненди, макссемс синь билбордса. Ламотнень тя лоткафтсыне примамс аф правомернай арьсемат», - азозе Артём Здунов.
Государственнай программань мероприятиятнень ётафтомаснон коряс работатне кармайхть полатфт.
Республика Мордовиянь Оцюнять пресс-службац